Hapësire reklamuese

Aktualitet

Shuhet Tiri duarartë, artizani i Tepelenës që ia dedikoi jetën kostumeve popullore

Shkruar nga Newsbomb
Shuhet Tiri duarartë, artizani i Tepelenës që ia dedikoi
Tiri duararte i Tepelenes

Fatri Shehu, artizani duarartë i jugut nuk jeton më. Ai ka mbyllur sytë përgjithmonë në moshën 56 vjeçare, pas një betejë me kancerin që fatkeqësisht nuk e fitoi dot, shkruan newsbomb.al.

Familja ka njoftuar mes dhimbjes ikjen e padrejtë dhe të parakohshme të Tirit, siç e thërrisnin dhe e njihnin të gjithë artizanin duarartë të Tepelenës.

Fatri Shehu dhe bashkëshortja e tij, Mimoza ishin shumë të njohur në Tepelenë dhe gjithë zonën e jugut, pasi krijonin me dorë kostumet dhe veshjet e tjera tradicionale të jugut. Grupet polifonike të Tepelenës dhe me gjerë janë ngjitur në skenë me kostumet e prodhuara nga duart e Tirit.

Shuhet Tiri duarartë, artizani i Tepelenës që ia dedikoi
Ftri dhe Mimoza Shehu, vleresuar nga Bashkia Tepelene

Familja Shehu zotëron një biznes dhe punishte të vogël ku punoni krejtësisht me dorë kostumet popullore të jugut, për grupet e folklorit dhe jo vetëm.

Tiri dhe bashkëshortja e tij kanë krijuar edhe kostumin që mbante veshur poeti i madh anglez Xhorxh Bajroni, më shumë se dy shekuj më parë kur vizitoi Shqipërinë dhe si vendqëndrim kryesor zgjodhi Tepelenën.

Çifti e punoi për shumë kohë me dorë kostumin dhe ai u vesh nga aktori i madh i Hollivudit, anglezi Rupert Everett, i cili pati fatin të realizonte udhëtimin e dytë Lord Byron në Tepelenën e Ali Pashait.

Shuhet Tiri duarartë, artizani i Tepelenës që ia dedikoi
Tiri gjate nje interviste dhene per RTSH

Fatkeqësisht, Tiri nuk do të jetë më pranë familjes, miqve dhe të gjithë atyre që e donin dhe e vlerësonin punën e tij, artizanatin, të cilit ai i dedikoi jetën dhe e ushtroi me pasion të pashoq për të lënë trashëgimi të bukurën dhe traditën e trevave të jugut.

© Newsbomb.al

Sondazh

Poll

Lexo gjithashtu

Hapësire reklamuese