Një banesë është përfshirë nga flakët mbrëmjen e sotme në lagjen “Osman Haxhiu” në Vlorë. Si pasojë e zjarrit raportohet që të ketë humbur jetën një i moshuar, rreth 70 vjeç.
Burime bëjnë me dije se i moshuari ishte i pastrehë, por qëndronte shpeshherë gjatë natës në këtë shtëpi, e cila ishte e braktisur prej kohësh.
Fatkeqësisht, ekipi i shpëtimit nuk ka mundur t’a nxjerri të gjallë 70 vjeçarin, identiteti i të cilit ende nuk bëhet i ditur.
Banorët e zonës njoftuan zjarrëfikësen dhe shërbimet e emrgjencës, për zjarrin si dhe për mundësinë që burri i pastrehë të ndodhej brenda në këtë shtëpi.
Policia dhe shërbimet zjarrfikëse po punojnë për zbardhjen e rrethanave dhe përcaktimin e shkaqeve të zjarrit, si dhe nxjerrjen e trupit të 70- vjeçarit.
Sondazh
Lexo gjithashtu
