Shqipëria po i afrohet edhe më shumë procesit të integrimit në Bashkimin Europian, me konferencën e dytë ndërqeveritare që do të mbahet më 15 tetor në Luksemburg.
Këshilli i Europës ka publikuar agjendën e këtij takimi të rëndësishëm, i cili do të fokusohet në hapjen e negociatave për disa fusha kyçe. Kapitujt për të cilët do të fillojnë negociatat përfshijnë: funksionimin e institucioneve demokratike, reformën e administratës publike, kapitullin 23 për gjyqësorin dhe të drejtat themelore, kapitullin 24 për drejtësinë, lirinë dhe sigurinë, kriteret ekonomike, si dhe kapitujt për prokurimin publik, statistikat dhe kontrollin financiar.
Këto fusha përfshihen në gjashtë grupime tematike: bazat e funksionimit, tregu i brendshëm, konkurrueshmëria dhe zhvillimi gjithëpërfshirës, agjenda e gjelbër dhe lidhjet e qëndrueshme, burimet dhe bujqësia, dhe marrëdhëniet e jashtme.
Shqipëria ka dorëzuar aplikimin për anëtarësim në BE në vitin 2009, dhe që nga atëherë ka ndërmarrë reforma të rëndësishme, veçanërisht në fushën e gjyqësorit dhe administratës publike, për të përmbushur kriteret e nevojshme për anëtarësim.
Sondazh
Lexo gjithashtu
