Një shpërthim i fuqishëm është regjistruar mbrëmjen e kësaj të mërkure në kryeqytet, Tiranë.
Sipas njoftimit të uniformave blu mësohet se shpërthimi ka ndodhur rreth orës 19:50 në zonën e Don Boskos, konkretisht në rrugën “Robert Naci”, në oborrin e një banese në ndërtim në pronësi të shtetasit A.B.
Si pasojë e shpërthimi janë thyer xhamat e katit të 3-të të një banese tjetër private. Ndërkohë, policia thekson se shpërthimi ka qenë i ngjashëm me lëndët plasëse ose lëndët piroteknike.
“Më datë 06.11.2024, rreth orës 19:50, në rrugën "Robert Naci", në oborrin e një banese në ndërtim në pronësi të shtetasit A. B. është dëgjuar një shpërthim, i ngjashëm me lëndët plasëse ose lëndët piroteknike. Si pasojë janë thyer xhamat e katit të 3-të të një banese tjetër private.
Grupi hetimor ndodhet në vendngjarje dhe po vazhdon punën për sqarimin e rrethanave të ngjarjes”, njofton Policia.
Ndërkohë, burime për mediat bëjnë se kanë qenë qytetarët ata të cilët kanë lajmëruar efektivët për shpërthimin i cili ka qenë i fuqishëm.
Sondazh
Lexo gjithashtu
