Ardi Shehu dhe Brisea Kallushi janë dy të rinjtë që ranë në prangat e policisë së Tiranës, pasi akuzohen se trafikonin kokainë në Tiranë.
Burime për media bëjnë me dije se personat në fjalë lëndën narkotike e shisnin në zonën e “Bllokut” në Tiranë.
Dy të rinjtë përkatësisht 32 dhe 34 vjeç, komunikonin me klientët në rrjetet sociale dhe më pas i shpërndanin në zonat përkatëse.
Gjatë kontrollit fizik ndaj këtyre shtetasve, shërbimet e Policisë iu gjetën rreth 500 gramë lëndë të dyshuar narkotike kokainë, e cila u sekuestrua në cilësinë e provës materiale, bashkë me 2 celularë.
Policia më herët njoftoi se Ardi Shehu ishte nën masën arrest shtëpie”, masë të cilën e kishte thyer për të trafikuar kokainën.
Njoftimi i policisë së Tiranës:
Sektori për Hetimin e Narkotikëve në DVP Tiranë, në kuadrin e një procedimi penal, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, si dhe në zbatim të masave të përcaktuara në planin operacional "Tempulli 3", ka finalizuar operacionin e koduar "Medusa".
Si rezultat i tij u arrestuan shtetasit:
- A. Sh., 32 vjeç, banues në Tiranë, për veprat penale "Prodhimi dhe shitja e narkotikëve", kryer në bashkëpunim, dhe "Largimi i të burgosurit nga vendi i qendrimit";
- B. K., 34 vjeçe, banuese në Tiranë, për veprën penale "Prodhimi dhe shitja e narkotikëve", kryer në bashkëpunim.
Gjatë kontrollit fizik ndaj këtyre shtetasve, shërbimet e Policisë iu gjetën rreth 500 gramë lëndë të dyshuar narkotike kokainë, e cila u sekuestrua në cilësinë e provës materiale, bashkë me 2 celularë.
Pas verifikimeve të kryera ka rezultuar se shtetasi A. Sh. kishte thyer masën e sigurisë "Arrest në shtëpi", të caktuar nga Gjykata. Materialet procedurale i kaluan Prokurorisë.
Sondazh
Lexo gjithashtu
