Nancy VanHorn, E Ngarkuara me Punë e SHBA në Shqipëri u takua me kryetarin në detyrë të Gjykatës së Posaçme të Shkallës së Parë kundër Korrupsionit dhe Krimit të Organizuar, Erjon Bani, për të riafirmuar angazhimin e Shteteve të Bashkuara në mbështetje të Shqipërisë në luftën kundër korrupsionit dhe krimit të organizuar.
Në këtë takim, VanHorn dhe Bani diskutuan rolin kyç të Gjykatës së Posaçme në sigurimin e drejtësisë, eliminimin e pandëshkueshmërisë dhe forcimin e besimit të qytetarëve tek institucionet e drejtësisë.
Ata u dakordësuan për rëndësinë e bashkëpunimit të vazhdueshëm mes dy palëve, për të ruajtur të drejtën, pavarësinë dhe integritetin në vendimet gjyqësore.
Ambasada e SHBA ka theksuar gjithashtu se mbështetja për reformën në drejtësi dhe lufta kundër korrupsionit janë prioritet i vazhdueshëm i politikës amerikane në Shqipëri, duke ofruar asistencë dhe ekspertizë për forcimin e institucioneve të drejtësisë në vend.
Sondazh
Lexo gjithashtu
