Hapësire reklamuese

Aktualitet

Reuters: Protestë dashurie, lezbiket shqiptare martohen jozyrtarisht

Shkruar nga Newsbomb
Reuters: Protestë dashurie, lezbiket shqiptare martohen jozyrtarisht
Alba Ahmetaj dhe Edlira Mara/ Copywriting: Florion Goga ©Credits: Reuters

Në tarracën e bashkisë së Tiranës, çifti i së njëjtës gjini Alba Ahmetaj dhe Edlira Mara, zhvilluan një ceremoni jozyrtare dasme, si një lëvizje simbolike për të promovuar të drejtat e LGBT+, në vendin konservator ballkanik, - shkruan Reuters në një artikull të dedikuar.

Të ftuarit hodhën petale të bardha ndërsa çifti, të veshur me fustane të bardha, iu afrua altarit që shikonte qendrën historike të qytetit. Kur ceremonia mbaroi, ato u puthën dhe përqafuan vajzat e tyre binjake trevjeçare.

Martesa e të njëjtit seks nuk lejohet në Shqipërinë me shumicë myslimane dhe lidhja e tyre nuk do të njihet nga shteti. Por çifti, të cilët u martuan nga dy pastorë britanikë, donin të dërgonin një mesazh.

“Shoqëria jonë është shumë patriarkale dhe homofobike. Kjo është diçka që na takon neve, pse duhet të përzihet shoqëria këtu?”, - tha Alba Ahmetaj para ceremonisë.

Tre kate më poshtë, policia ruante hyrjen e ndërtesës në rast proteste. Kur dasma u njoftua në rrjetet sociale një ditë më parë, postimi u vërshua me gjuhë urrejtjeje.

"Njerëz të sëmurë," tha njëri. “Duhet të digjesh në ferr”, ka shkruar një tjetër.

Ndërsa shumica e Evropës Perëndimore ka bërë hapa drejt barazisë martesore, të drejtat janë të kufizuara në pjesën më të madhe të Evropës Qendrore dhe Lindore.

Greqia fqinje miratoi në ligj martesën e të njëjtit seks në fillim të këtij viti dhe Kosova, po konsideron njohjen e bashkimeve të të njëjtit seks së shpejti. Por liderët myslimanë dhe të krishterë kanë ndikim të fortë në Shqipëri dhe e kanë kundërshtuar një ndryshim të tillë.

Sipas një raporti të BE-së vitin e kaluar, rreth 40% e komunitetit shqiptar LGBT+ raportuan incidente diskriminimi. Vetëm një e pesta e tyre u raportuan në polici.

Më 10 shkurt, Alba Ahmetaj dhe Edlira Mara ishin duke pirë kafe me vajzat e tyre në një kafene të Tiranës, kur të dyja morën mesazhe në Facebook ku thuhej se do të qëlloheshin nga një snajper në mes të ballit nëse do të shkonin përsëri atje, - tregoi Mara.

Kisha frikë ta kaloja atë rrugë për ditë të tëra... rreziku në mendjen time është ende i pranishëm”.

Megjithatë, gratë kërkojnë të drejtat e tyre. Ata kanë shkuar në gjykatë për t'u njohur si prindër të përbashkët të vajzave të tyre. Nëse kjo dështon, ata planifikojnë ta referojnë çështjen e tyre në Gjykatën Evropiane të të Drejtave të Njeriut në Strasburg.

"Ne nuk do të ndalemi së luftuari. Vajzat tona meritojnë të na kenë të dyja në dokumente zyrtare”. - tha Mara, nëna biologjike.

Ceremonia e së dielës u zhvillua me pamje nga sheshi kryesor i Tiranës. Disa dhjetëra të ftuar pinin verë dhe brohorisnin për miqtë e tyre.

Atyre që janë kundër kësaj martese po u them se asgjë nuk do të ndryshojë, toka ende rrotullohet, Shqipëria do të vazhdojë të jetë e varfër dhe e ndotur”, - tha Xheni Karaj, një aktiviste LGBT+, partneri i së cilës kapi buqetën e dasmës.

 

Sondazh

Poll

Lexo gjithashtu

Hapësire reklamuese