Ka nisur marshimi nga shkolla “Fan Noli” për tek Ministria e Arsimit, një tubim që mbahet në shenjë solidariteti pas vrasjes së 14-vjeçarit, Martin Cani nga bashkëmoshatari i tij.
Kjo nuk është protesta e parë që po zhvillohet në emër të Martinit, ndërsa pjesëmarrës në këtë tubim të cilët ajnë prindër, shoqëria civile e qytetarë të vendit kanë deklaruar se nuk do të ndalen së kërkuari drejtësi për 14-vjeçarin e vrarë pas një sherri banal mes të miturish.
Teksa tashmë po zhvillohet protesta e 3-të, kërkesat e paraqitura nga shoqëria civile vazhdojnë të mbeten të njëjta, ku më kryesorja është dorëheqja e ministres së Arsimit, Ogerta Manastirliu teksa është theksuar si dështim total funskioni i organeve kompetente në lidhje me sigurinë dhe mirëqenien e nxënësve në shkolla.
KËRKESAT:
-Shtimi i buxhetit në 5% të PBB
-Plotësimi i shkollave me infrastrukturë dhe staf mbështetës
-Rritja dhe plotësimi 100% i shkollave me psikologë, raporti 1 psikolog për çdo 200 nxënës
-Qëndrimi nxënësve në shkollë deri në 16:00, duke ofruar ushqim dhe mundësi për të bërë detyrat
-Zbatimi emergjent i rregullit për heqjen e telefonave në orën e mësimit
-Miratimi i legjislacionit për vendosjen e filtrave parandalues të përmbajtjeve me gjuhë urrejtje për fëmijët nën moshën 14 vjeç
-Krijimi i një sistemi të raportimit të rasteve ku të ndërlidhen të gjitha hallkat
-Çdo shkollë duhet të ketë oficerin e sigurisë
-Dorëheqje e menjëhershme e ministres së Arsimit.
Sondazh
Lexo gjithashtu
