Policia e Tiranës ka reaguar lidhur me tubimin i cili pritet të zhvillohet pasditen e kësaj të hëne në kryeqytet për të kërkuar drejtësi për 42-vjeçarin, Egli Proga, i cili më 10 gusht u dhunua për vdekje nga 29-vjeçari Denis Meçe.
Përmes një njoftimi zyrtar blutë e Tiranës bëjnë me dije se për shkak të këtij tubimi i cili është paralajmëruar për tu mbajtur rreth orës 19:30 do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Nga nisja e këtij tubimi deri në përfundim të tij do të ketë të përkohshëm të qarkullimit të mjeteve, në bulevardin "Dëshmorët e Kombit", segmenti i rrugës "Myslym Shyri" nga Gjykata e Lartë deri në bulevardin "Dëshmorët e Kombit".
Policia apelon për të gjithë qytetarët që të shmangin lëvizjen në këto akse rrugore dhe të përdorin rrugët "Ibrahim Rugova" dhe "Papa Gjon Pali" si rrugë alternative, deri në përfundim të tubimit.
Njoftimi i plotë i Policisë:
DVP Tiranë
Për shkak të zhvillimit të një tubimi ditën e sotme në orën 19:30, parashikuar për tu zhvilluar nga sheshi "Skënderbej" deri te Kryeministria, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 19:30 e deri në përfundim, do të ketë bllokim të përkohshëm të qarkullimit të mjeteve, në bulevardin "Dëshmorët e Kombit", segmenti i rrugës "Myslym Shyri" nga Gjykata e Lartë deri në bulevardin "Dëshmorët e Kombit".
Policia apelon për të gjithë qytetarët që të shmangin lëvizjen në këto akse rrugore dhe të përdorin rrugët "Ibrahim Rugova" dhe "Papa Gjon Pali" si rrugë alternative, deri në përfundim të tubimit.
Sondazh
Lexo gjithashtu
