Ditën e sotme është përcjellë për në banesën e fundit, prifti arbëresh At Antonio Belushi, i cili ndërroi jetë dy ditë më parë.
Midis lotëve dhe dhimbjeve për ikjen e misionarit të vyer shqiptar, të afërmit e tij u kujdesën që ai të përcillej edhe me këngët arbëreshe dhe dy flamujt e bukur, shqiponjën dykrenare të Shqipërisë dhe Kosovës, që aq shumë i deshi gjatë jetës së tij.
Të pranishëm në ceremoninë mortore të zhvilluar në varrezat e Frasnitës në Kalabri kanë qenë edhe shumë shqiptarë, figura të njohura publike dhe arbëreshë të Italisë.
Zyrtari i Republikës së Kosovës, Vehbi Miftari i cili është përfaqësues i Kosovës për raportet diplomatike me Selinë e Shenjtë në Vatikan është kujdesur që kahas flamurit të Shqipërisë, mbi arkivolin e tij të vendosë edhe atë të Kosovës, vendin që ai loboi aq shumë për t’a mbrojtur përballë padrejtësive që po zhvilloheshin në kurriz të saj nga forcat shoviniste serbe.
At Antonio Belushi u përjetësua sot në varrezat e Frasnitës në #Kalabri ???????? me flamujt ????????????????shqiptar, lot por edhe me këngë arbëreshe.
— Flloki???????????????????? (@SpahiuSami) June 22, 2024
I përjetshëm kujtimi për këtë misionar e atdhetar të devotshëm të shekullit 20-të! pic.twitter.com/h2DuZ58h0D
I njohur ndryshe edhe si “Ati Shpirtëror i Arbëreshëve”, Belushi shërbeu për vite me radhë si misionar në mbrojtje të çështjeve shqiptare nëpër botë.
At Antonio Belushi (Bellusci) lindi në vitin 1934 dhe u arsimua për klerik. Ai ja kushtoi gjithë jetën qenies arbëreshe, mbijetesës së “gjakut të shprishur”. Veprimtaria e tij është shtrirë shumë përtej asaj të një kleriku dhe kap majat që ka njohur bota arbëreshe në kohën tonë.
Misionari At Antonio njihet për ruajtjen dhe kultivimin e vlerave të komunitetit që prezantonte. Më shumë se kaq, ai ka dhënë dëshmi të panumërta për mbrojtjen e kauzës shqiptare, sidomos asaj të Kosovës, si klerik dhe veprimtar shkencor e humanitar, gjithandej nëpër botë. Po ashtu Bellusci njihet si mbështetës i arvanitasve të Greqisë, të cilët i ka njohur dhe studiuar mbase si askush tjetër.
Sondazh
Lexo gjithashtu
