Papa Françesku i cili ndërroi jetë ditën e hënë do të varroset në Romë të shtunën, pesë ditë pas vdekjes së tij. Vetë Papa ka zgjedhur vendin e tij të fundit të prehjes në Romë. Paraprakisht, besimtarët do të kenë mundësinë t’i thonë lamtumirë Papa Françeskut, i cili vdiq të hënën.
Pjesë e ceremonisë së varrimit të Papa Françeskut të shtunën do jetë edhe Presidenti i Shqipërisë, Bajram Begaj.
Gjithashtu do të marrin pjesë te katërt udhëheqësit fetarë në vendin tonë, Kreu i Kishës Katolike, Arjan Dodaj, Kreu i Komunitetit Mysliman, Bujar Spahiu, Kryegjyshi i Bektashinjve, Haxhi Dede Edmond Brahimaj dhe Kryepeshkopi i Ortodoksëve, Joani.
Të katërt udhëheqësit fetarë do të udhëtojnë drejt Vatikanit për të marrë pjesë në ceremoninë e së shtunës, kur në Vatikan do të mblidhet e gjithë bota për t’i dhënë lamtumirën e fundit Atit të Shenjtë.
Sondazh
Lexo gjithashtu
