Ka mbërritur në spitalin e Athinës, avokati dhe profesorit Sokol Mëngjesi. Ishin familjarët e avokatit që ditën e djeshme bënë kërkesë që avokati të dërgohej në Greqi për një mjekim më të specializuar.
Avokati u dërgua me avion nga spitali i Traumës në Athinë, pasi familjarët shpresojnë se mjekimi atje do të jetë me shpresëdhënës për jetën e Mëngjesit.
Avokati prej 7 ditësh ndodhet në koma artificiale, ndërsa dje u raportua se shëndeti i tij ishte përmirësuar disi. Tani presim që lajme të mira të vijnë nga Athina në lidhje me shëndetin e Mëngjesit.
Kujtojmë që avokati Sokol Mëngjesi u dhunua mëngjesin e 29 majit sapo la djalin në kopsht në zonën e ish-bllokut.
Ishin 4 autorët të cilët e qëlluan me doreza hekuri dhe leva, të identifikuar si: Dorian Beqir Alia, 32 vjeç, banues në Tiranë, u vetëdorëzua në Polici; Drivald Sokol Alia, 21 vjeç, banues në Tiranë; Elton Ndue Kasaj, 33 vjeç, banues në Tiranë; Romario Roberto Tabaku, 26-vjeç, banues në Tiranë.
Organizatori dhe porositësi i sulmit barbar ndaj avokatit është Dritan Nano. 58-vjeçari do të dalë sot para gjykatës ku dhe do t’i komunikohet masa e sigurisë. Bashkë me të, për masë del dhe dhëndri i tij Dorian Alia, një nga dhunuesit, ndërsa 3 të tjerë janë ende në kërkim.
Sondazh
Lexo gjithashtu
