Një bombul gazi ka shpërthyer gjatë punimeve për hidroizolimin e tarracës së një pallati në qytetin e Gjirokastrës, duke shkaktuar alarm mes banorëve dhe kalimtarëve.
Ngjarja ka ndodhur rreth orës 13:30, në lagjen “18 Shtatori”, pranë universitetit “Eqrem Çabej” në një pallat 9-katësh.
Sipas dëshmimtarëve okularë, bombula ka shpërthyer nga lartësia e tarracës, e cila ka fluturuar për disa metra dhe ka përfunduar në trotuarin poshtë, duke krijuar panik mes kalimtarëve.
Një situatë alarmante është shkaktuar për shkak të afërsisë së pallatit me ambientet e universitetit dhe numrit të madh të personave që kalojnë në këtë pjesë të qytetit.
Policia dhe forcat e emergjencës kanë mbërritur menjëherë në vendngjarje për të siguruar zonën dhe për të hetuar shkaqet e shpërthimit.
Sondazh
Lexo gjithashtu
