Një baba me dy fëmijët e tij kishin humbur kontaktet me familjarët e tjerë në Pogradec.
Sipas njoftimit të uniformave blu mësohet se shtetasi Gj.R, së bashku me dy fëmijët e tij të mitur kishin dalë në liqen me një mjet lundrues kanoe dhe kishin humbur kontaktet me familjarët.
Kanë qenë këta të fundit që kanë ngritur alarmin në polici të cilët menjhëherë u vunë në lëvizje dhe bënë të mundur lokalizimin e tyre dhe nxjerrjen në breg me Jet Ski.
“Rreth orës 12:45, në sallën operative të Komisariatit të Policisë Pogradec, ka mbërritur një telefonatë, ku një shtetase kërkonte ndihmë, pasi bashkëshorti i saj shtetasi Gj. R., së bashku me dy fëmijët e tyre të mitur, kishin dalë në liqen me një mjet lundrues kanoe, dhe kishin humbur kontaktet.
Menjëherë shërbimet e Njësisë Policore Detare me Jet Ski, dolën në liqen, ku bënë të mundur lokalizimin e kanoes me tre shtetasit larg perimetrit të sigurisë, dhe siguruan kthimin në breg të tyre pa probleme”, njofton policia.
Sondazh
Lexo gjithashtu
