Detaje të reja janë zbardhur nga ngjarja e shënuar mbrëmjen e djeshme në Velipojë, ku mbeti i plagosur me armë zjarri një 27-vjeçar.
Ngjarja ndodhi në aksin Shkodër-Velipojë, ndërsa nga mbetur i plagosur me një plumb në bark Emiljano Paloka. I riu pas ngjarjes është dërguar menjëherë në spital, ku i është nënshtruar një ndërhyrje kirurgjikale dhe tashmë ndodhet jashtë rrezikut për jetën, nën kujdesin e mjekëve.
Teksa me herët u tha se ngjarja kishte ndodhur pas një konflikti, duket se gjërat janë ndryshe. Dyshohet se i riu ka qenë në makinë së bashku me dy shokët e tij, ku edhe ka ndodhur plagosja.
Nga hetimet e para dyshohet se Emiljano Paloka është plagosur pa dashje prej shokut të tij, i cili duke luajtur ka shkrepur armën pa dashje.
Pas ngjarjes dy të rinjtë kanë dërguar 27-vjeçarin në spital dhe janë arratisur në drejtim të paditur. Policia i ka identifikuar dhe po punon për arrestimin e personave në fjalë.
Në njoftimin zyrtar të uniformave blu thuhej: "Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Sondazh
Lexo gjithashtu
