Është identifikuar autori i ngjarjes së shënuar disa ditë më parë në Velipojë, ku u plagos me armë zjarri Emiljano Paloka, 27 vjeç.
Bëhet me dije se autori i kësaj ngjarje është shtetasi K. L., 25 vjeç, banues në fshatin Baks i Ri, Velipojë. Personi në fjalë kishte thyer masën e sigurisë “Arrest në shtëpi”, të caktuar nga Gjykata, për veprën penale “Vjedhja e kryer duke shpërdoruar detyrën”.
Më herët u raportua se ngjarja kishte ndodhur pas një konflikti, ndërsa më pas u tha se autori dhe i plagosuri kanë qenë në një moment, teksa në një moment ky i fundit ka shkrepur armën gabimisht.
Njoftimi i policisë së Shkodrës:
Shkodër/Vijojnë veprimet hetimore për zbardhjen e rrethanave të plagosjes së ndodhur mbrëmjen e datës 02.04.2024, në Velipojë.
Identifikohet dhe shpallet në kërkim një 25-vjeçar, autor i dyshuar i plagosjes me armë zjarri.
Si rezultat i veprimeve hetimore të kryera nga specialistët e Seksionit për Hetimin e Krimeve ndaj Personit të DVP Shkodër, për zbardhjen e rrethanave të plagosjes së ndodhur mbrëmjen e datës 02.04.2024, në fshatin Malikolaj, Velipojë, bazuar dhe në informacionet e siguruara nga inteligjenca policore, është identifikuar autori i dyshuar i këtij rasti, shtetasi K. L., 25 vjeç, banues në fshatin Baks i Ri, Velipojë.
Nga verifikimet e kryera ka rezultuar se shtetasi K. L. kishte thyer masën e sigurisë “Arrest në shtëpi”, të caktuar nga Gjykata, për veprën penale “Vjedhja e kryer duke shpërdoruar detyrën”. Vijon puna për lokalizimin dhe kapjen e këtij shtetasi.
I plagosuri, shtetasi E. P., 27 vjeç, vijon të jetë në kujdesin e mjekëve.
Në drejtimin e Prokurorisë vijon puna hetimore për zbardhjen e rrethanave të këtij rasti.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Sondazh
Lexo gjithashtu
