Hapësire reklamuese

Çështjet kryesore

Aktualitet

Pësuan lëndime gjatë protestës, drejtori i Policisë së Tiranës viziton në spital 3 efektivët e dëmtuar

Shkruar nga Newsbomb

Pësuan lëndime gjatë protestës, drejtori i Policisë

Protesta e organizuar nga Partia Demokratike në Bulevardin “Dëshmorët e Kombit” në Tiranë nuk ka kaluar pa incidente. Gjatë tubimit, tre punonjës të Policisë së Shtetit kanë mbetur të lënduar si pasojë e shpërthimit të kapsollave të hedhura nga protestuesit.

Drejtori i Policisë së Tiranës ka vizituar efektivët e dëmtuar në spital për të parë nga afër gjendjen e tyre shëndetësore. Ndërkohë, autoritetet kanë nisur hetimet për identifikimin dhe ndjekjen penale të personave përgjegjës për aktet e dhunës gjatë protestës.

Njoftimi i policisë së Tiranës

Sot në mbrëmje, gjatë protestës së thirrur dhe organizuar nga subjekti politik Partia Demokratike, e mbajtur në Bulevardin “Dëshmorët e Kombit”, Tiranë, si pasojë e hedhjes së lëndëve piroteknike drejt punonjësve të Policisë, të vendosur me shërbim para selisë së Kryeministrisë, janë lënduar tre punonjës të Policisë së Shtetit.

Një efektive pësoi dëmtime në sy, ndërsa dy punonjës të tjerë kanë pësuar lëndime në fytyrë dhe dorë.

Punonjësit e Policisë janë shoqëruar menjëherë për marrjen e ndihmës së nevojshme në spital dhe ndodhen nën kujdesin e specializuar të mjekëve.

Ndërkohë, shërbimet e Policisë së Shtetit po grumbullojnë të gjitha provat dhe pamjet filmike, për të identifikuar dhe përballur me drejtësinë autorët që dëmtuan punonjësit e Policisë, të planëzuar sipas planit të masave për mbarëvajtjen e tubimit të opozitës.

Drejtori i DVP Tiranë, Drejtues Elton Alushi, dhe Zëvendësdrejtori i Rendit kanë vizituar punonjësit e lënduar në ambientet e spitalit, duke u siguruar që ata të marrin çdo ndihmë të nevojshme, në bashkëpunim me stafin mjekësor.

Pësuan lëndime gjatë protestës, drejtori i Policisë
 
Pësuan lëndime gjatë protestës, drejtori i Policisë
 
Pësuan lëndime gjatë protestës, drejtori i Policisë
 

 

Sondazh

Poll

Lexo gjithashtu

Hapësire reklamuese