Është arrestuar një nga shtetasit turq, me iniciale Y. K., 23 vjeç, të cilët përplasën me makinë rojen e parkingut në Krujë, shtetasin B. D., 62 vjeç, dhe më pas u larguan nga vendi i ngjarjes.
Ndërkohë bashkëpunëtori i tij R. S., 23 vjeç, pasagjer në automjet, është duke u proceduar në gjendje të lirë. Gjithashtu, 62-vjeçari ndodhet në spital, nën kujdesin e mjekëve.
Njoftimi i policisë:
Shtetasi turk Y. K., 23 vjeç u arrestua në Krujë, dyshohet se pas një konflikti për motive të dobëta, ka goditur me automjet shtetasin B. D., 62 vjeç, dhe më pas është larguar nga vendi i ngjarjes.
Si pasojë është dëmtuar 62-vjeçari, i cili ndodhet në spital, nën kujdesin e mjekëve.
Në vijim të veprimeve, u referuan materialet në Prokurori, ku nisi procedimi në gjendje të lirë për shtetasin turk R. S., 23 vjeç, pasagjer në automjet, për moskallëzim krimi.
Sondazh
Lexo gjithashtu
