Sipas raportit të fundit të Indeksit të Pasaportave Henley për vitin 2025, Shqipëria ka shënuar një përmirësim të dukshëm, duke u renditur në vendin e 43-të në botë për mundësitë e udhëtimit pa viza. Poseduesit e pasaportës shqiptare mund të udhëtojnë pa viza në 123 shtete dhe territore, një rritje me 5 vende krahasuar me vitin e kaluar.
Megjithatë, pasaporta shqiptare mbetet e fundit në rajon, pas asaj të Kosovës, e cila është renditur në vendin e 63-të. Poseduesit e pasaportës kosovare mund të udhëtojnë pa viza vetëm në 80 vende të botës.
Ndërsa pasaporta serbe është më e fuqishmja në rajon, duke u renditur në vendin e 34-të dhe ofron mundësinë për të udhëtuar pa viza në 139 destinacione. Pas saj, Maqedonia e Veriut dhe Mali i Zi renditen në vendin e 40-të, me 129 destinacione pa viza përkatësisht.
Ky raport tregon përmirësimin e mundësive të udhëtimit për qytetarët shqiptarë, por gjithashtu thekson se pasaporta shqiptare ka ende distancë nga ato të shteteve të tjera të rajonit në aspektin e mundësive për udhëtime pa viza.
Po cila pasaportë është më e fuqishmja në botë?
Viti i ri ka lajme të mira për Singaporin, pasi vendi kryeson renditjen tremujore të pasaportave më të fuqishme në botë.
Mbajtësit e pasaportës së Singaporit gëzojnë akses pa viza në 195 nga 227 destinacione në mbarë botën, sipas Indeksit të Pasaportave Henley, më shumë se qytetarët e çdo vendi tjetër në planet.
Japonia është e dyta në renditje, me 193 destinacione, pasi ka siguruar medaljen e argjendtë duke rifituar aksesin pa viza në Kinën fqinje për herë të parë që nga bllokimet e Covid-19.
Shtetet anëtare të BE-së, Franca, Gjermania, Italia dhe Spanja janë në vendin e tretë, së bashku me Finlandën dhe Korenë e Jugut, me akses në 192 destinacione pa viza.
Pozicioni i katërt në renditje është një dëshmi e fuqisë së zonës Shengen pa kufij të Bashkimit Europian, e cila garanton lëvizjen e lirë për më shumë se 425 milionë qytetarë të BE-së. Në zonën Schengen bëjnë pjesë shtatë vende të BE-së, secili me akses pa viza në 191 destinacione: Austri, Danimarkë, Irlandë, Luksemburg, Holandë, Norvegji dhe Suedi.
Në vendin e pestë janë pesë vende – Belgjika, Zelanda e Re, Portugalia, Zvicra dhe Britania e Madhe – që të gjitha kanë akses pa viza në 190 destinacione.
Pasaportat më të fuqishme për vitin 2025
Singapor (195 destinacione)
Japonia (193)
Franca, Gjermania, Italia, Spanja, Finlanda, Koreja e Jugut (192)
Austria, Danimarka, Irlanda, Luksemburgu, Holanda, Suedia, Norvegjia (191)
Belgjika, Zelanda e Re, Portugalia, Zvicra, Mbretëria e Bashkuar (190)
Greqia, Australia (189)
Kanadaja, Polonia, Malta (188)
Hungaria, Çekia (187)
Estonia, Shtetet e Bashkuara (186)
Lituania, Letonia, Sllovenia, Emiratet e Bashkuara Arabe (185).
Sondazh
Lexo gjithashtu
