GJKKO ka caktuar masat e sigurisë për 14 të arrestuarit në operacionin "Ura". Mësohet se GJKKO ka lënë në fuqi masën e sigurisë "arrest me burg" për 11 nga të arrestuarit ndërsa masa e sigurisë është zbutur nga "arrest me burg" në "detyrim paraqitje" për tre prej tyre.
Avokati Armand Tragaj i ka shpëtuar qelisë me masën "detyrim paraqitje" ndërsa e njëjta masë sigurie është caktuar edhe për Ervis Detin dhe Bexhet Memën.
Avokati Armand Tragaj i cili ka rezultuar përdorues i SKY ECC dhe që dyshohet për ushtrim të ndikimit të paligjshëm ka deklaruar para GJKKO: Jam i rënduar psikologjikisht dhe vazhdimi i kësaj mase do të rëndojë situatat e mia familjare, ku unë jam me dy prindër të sëmurë, njerkën të paralizuar, vëllain në psikiatri dhe bashkëshorten me fëmijët e vegjël.
Edhe ish-efektivi i RENEA-s ka mbetur në qeli pasi GJKKO caktoi "arrest me burg". Avokati Rigert Koni i kërkoi Prokurorisë të përcaktojë rolet dhe episodet për secilin nga këta persona.
Në operacionin "Ura"u sekuestrua sasi e konsiderueshme droge dhe parash, ndërsa në prangat e policisë përfunduan persona të dyshuar për përfshirje në grupe kriminale që trafikonin drogë.
Emrat e personave, që u paraqiten para gjykatës për masë sigurie:
Orgest Molla
Armand Tragaj
Altin Morina
Ekil Nderjaku
Musa Korça
Rando Aliu
Sokol Istrefi Tatani
Bexhed Mema
Ervis Deti
Ligor çombashi
Altin Pjetri
Ervin Zeqiri
Gezim Thartori
Alfred Hysa
Sondazh
Lexo gjithashtu
