Hapësire reklamuese

Aktualitet

Operacioni i SPAK me Spanjën, Rrumbullaku: 26 të arrestuar dhe 5 në kërkim! 35 urdhër-arreste dhe në Madrid

Shkruar nga Newsbomb
Operacioni i SPAK me Spanjën, Rrumbullaku: 26 të arrestuar dhe 5
Drejtori i Pergjithshem, Muhamet Rrumbullaku

Kryepolici Muhamet Rrumbullaku ka dalë në një konferencë për shtyp dhe ka bërë bilancin e një operacioni ndërkombëtar ku është përfshirë Policia e Shtetit, në kuadër të bashkëpunimit të SPAK me Prokurorinë Speciale në Spanjë.

Në Shqipëri janë lëshuar 31 urdhër-arreste dhe janë ekzekutuar 26 prej tyre, ndërsa 5 shtetas janë shpallur në kërkim. Siç është shprehur drejtori Muhamet Rrumbullaku, katër nga shtetasit e shpallur në kërkim ndodhen jashtë Shqipërisë dhe një tjetër ndodhet brenda vendit, por nuk është kapur.

Autoritetet spanjolle kanë lëshuar 35 urdhër-arreste në kuadër të këtij operacioni të përbashkët me Prokurorinë e Posaçme në Tiranë, ndërsa në vendin tonë kanë sjellë dhe disa oficerë që kanë asistuar homologët shqiptarë.

Personat e përfshirë në këtë grup kriminal, dërgonin shtetas shqiptarë drejt Anglisë, Spanjës, Irlandës dhe vende të tjera, të cilët nuk kishin vizë dhe dokumente të ligjshme qëndrimi. Ata akomodoheshin në hotele jashtë vendit dhe dokumentet e falsifikuara u dërgoheshin me postë.

Gjatë operacionit u sekuestruan:

- 7 automjete;

- 1 laborator për falsifikimin e dokumenteve;

- 25 mijë euro;

- 20 mijë paund;

- 10 pasaporta italiane, greke, sllovene e karta identiteti të huaja;

- 1 armë gjahu;

- 10 laptop;

- 15 kompjutera e printera që shërbenin për shitje dhe transferta

monedha virtuale - BITCOIN;

- sasi lëndësh narkotike;

- 47 aparate celulare;

- 1 aparat luminator; bizhuteri dhe varëse floriri me vlerë të konsiderueshme dhe 120 kontrata noteriale shitblerje pronash të paluajtshme dhe automjetesh.

Nga veprimet operative, gjurmuese dhe hetimore rezulton se, subjektet kryesorë kryenin aktivitetin e jashtëligjshëm të falsifikimit të dokumenteve të udhëtimit, kryesisht dokumenteve të BE-së, ku përfshihen pasaporta, karta identiteti, leje drejtimi automjeti, karta shëndeti dhe karta banke.

Këto dokumente të falsifikuara, përdoreshin në një shkallë të gjerë, për dhënien ndihme për kalim të paligjshëm të kufijve, për të lehtësuar udhëtimin e migrantëve të parregullt shqiptarë drejt Mbretërisë së Bashkuar dhe Irlandës, por jo vetëm. Këto udhëtime kryesisht realizoheshin drejt aeroporteve spanjolle, veçanërisht atyre në Majorka, Madrid, Barcelona dhe Alikante.

"Vlen të theksohet se, operacioni “NOMADA” u përfundua falë bashkëpunimit të shkëlqyer me Prokurorinë e Posaçme kundër Korrupsionit e Krimit të Organizuar, EUROPOL-in dhe Zyrën e Sigurisë së Ambasadës së SHBA-së në Tiranë", u shopreh drejtori Muhamet Rrumbullaku.

DEKLARATË PËR SHTYP e Drejtorit të Përgjithshëm të Policisë së Shtetit

Policia e Shtetit, në bashkëpunim me Policinë Kombëtare Spanjolle, pas një hetimi intensiv 2-vjeçar në kuadër të skuadrës së përbashkët hetimore, realizoi operacionin “NOMADA” për goditjen e një grupi të strukturuar kriminal, që vepronte kryesisht në fushën e falsifikimit të dokumenteve dhe ndihmës për kalim të paligjshëm të kufirit dhe kontrabandimit të shtetasve.

Në kuadër të këtij operacioni, SPAK dhe GJKKO,  caktoi masën e sigurimit personal “arrest në burg” për 31 shtetas për kryerjen e veprave penale “Ndihma për kalim të paligjshëm të kufijve”, e kryer në formën e bashkëpunimit të veçantë, “Falsifikimi i dokumentave”, kryer në formën e bashkëpunimit të veçantë; “Grupi i strukturuar kriminal” dhe “Kryerja e veprave penale nga organizata kriminale apo grupi kriminal”.

Nga 31 shtetas me masë sigurimi personal “arrest në burg” është bërë e mundur kapja dhe ekzekutimi i vendimit të gjykatës për 26 shtetas dhe për 4 shtetasit e tjerë u bë shpallja në kërkim, pasi rezulton se ndodhen jashtë shtetit, ndërsa 1 shtetas ndodhet brenda territorit shqiptar për te cilat strukturat operacionale janë angazhuar për kapjen e tij.

Në mes të personave të arrestuar është edhe një punonjës policie i nivelit zbatues. Gjithashtu, për 6 shtetas, gjykata caktoi masën “arrest në shtëpi”.

Në vazhdimësi të këtij procedimi penal janë arrestuar edhe 5 shtetas të tjerë, ndërsa në Spanjë janë arrestuar 35 persona. Veprimet operacionale u koordinuan me profesionalizëm edhe me homologët tanë në Itali e Kosovë, ndërsa për realizimin e operacionit në Shqipëri u angazhuan rreth 500 forca policore në disa qytete, si Tiranë, Durrës, Shkodër, Berat, Kukës dhe Shijak.

Gjatë operacionit u sekuestruan:

- 7 automjete;

- 1 laborator për falsifikimin e dokumenteve;

- 25 mijë euro;

- 20 mijë paund;

- 10 pasaporta italiane, greke, sllovene e karta identiteti të huaja;

- 1 armë gjahu;

- 10 laptop;

- 15 kompjutera e printera që shërbenin për shitje dhe transferta

monedha virtuale - BITCOIN;

- sasi lëndësh narkotike;

- 47 aparate celulare;

- 1 aparat luminator; bizhuteri dhe varëse floriri me vlerë të konsiderueshme dhe 120 kontrata noteriale shitblerje pronash të paluajtshme dhe automjetesh.

Nga veprimet operative, gjurmuese dhe hetimore rezulton se, subjektet kryesorë kryenin aktivitetin e jashtëligjshëm të falsifikimit të dokumenteve të udhëtimit, kryesisht dokumenteve të BE-së, ku përfshihen pasaporta, karta identiteti, leje drejtimi automjeti, karta shëndeti dhe karta banke.

Këto dokumente të falsifikuara, përdoreshin në një shkallë të gjerë, për dhënien ndihme për kalim të paligjshëm të kufijve, për të lehtësuar udhëtimin e migrantëve të parregullt shqiptarë drejt Mbretërisë së Bashkuar dhe Irlandës, por jo vetëm.

Këto udhëtime kryesisht realizoheshin drejt aeroporteve spanjolle, veçanërisht atyre në Majorka, Madrid, Barcelona dhe Alikante.

Nga hetimi me metoda speciale rezultoi se, shtetasit shqiptarë largoheshin nga Shqipëria me pasaportat e tyre origjinale shqiptare për në vendet e BE-së, brenda zonës “Schengen”. Dokumentet e falsifikuara u dërgoheshin më pas me postë në hotelet ku qëndronin në Spanjë ose në adresa rezidenciale.

Vlen të theksohet se, operacioni “NOMADA” u përfundua falë bashkëpunimit të shkëlqyer me Prokurorinë e Posaçme kundër Korrupsionit e Krimit të Organizuar, EUROPOL-in dhe Zyrën e Sigurisë së Ambasadës së SHBA-së në Tiranë.

Policia e Shtetit falënderon partnerët ndërkombëtarë për bashkëpunimin e shpejtë dhe profesional në realizimin e operacionit “NOMADA”.

E kam thënë edhe më parë dhe dëshiroj ta përsëris sërish se, krimi në përgjithësi dhe veçanërisht krimi i organizuar, nuk ka kombësi dhe në botën globale ai po bëhet gjithnjë e më shumë ndërshtetëror. Ndaj shpreh bindjen se ndërveprimi mes agjencive të zbatimit të ligjit është element thelbësor në përpjekjen tonë të përbashkët për të goditur krimin e organizuar, kudo ku ai shfaqet.

Konkretisht, bashkëpunimi ynë me Policinë Kombëtare të Spanjës është ngritur cilësisht dhe është konsoliduar tashmë, duke dhënë rezultate domethënëse në luftimin e fenomeneve kriminale që shqetësojnë të dy vendet.

Dëshiroj të falënderoj, drejtuesit e Policise se Shtetit dhe punonjësit e Policisë së Shtetit, të angazhuar në këtë operacion, për punën hetimore dhe veprimet organizative e operacionale, që garantuan suksesin e operacionit.

Sondazh

Poll

Lexo gjithashtu

Hapësire reklamuese