Ka nisur protesta e opozitës përpara Parlamentit Europian në Strasburg. Gazetari Osman Stafa ka siguruar disa pamje nga hapja e protestës ku shikohen disa deputetë të opozitës të grumbulluar në ambjentet e jashtme të Parlamentit duke mbajtur pankarta në duar.
Deputetja Dhurata Çupi ka ngritur lart një pankartë në anglisht ku shkruhet: “Ne duam t’i bashkohemi Europës… jo me varka”. Ndërkohë deputetja Elda Hoti mban në duar shkrimin “Lironi deputetin Salianji”.
Është bërë me dije dhe skenari që opozita do të ndjekë gjatë ditës së sotme ku është lajmëruar se një pjesë e deputetëve do të protestojnë përpara selisë ndërsa zhvillohet senca plenare, ndërsa disa të tjerë do të zhvillojnë takime me përfaqësuesit europianë.
Kreu i grupit parlamentar të PD, Gazmend Bardhi, si dhe deputetët Jorida Tabaku, Agron Gjekmarkaj dhe Albana Vokshi, kanë nisur takimet me eurodeputetët Davor Ivo Stier dhe Lukas Mandl, përfaqësues të Partisë Popullore Europiane (EPP).
Kjo protestë vjen si pasojë e zhvillimeve të fundit politike në Shqipëri. Opozita është ngritur në mosbindje civile për burgosjen e ish depuetit Ervin Salianji dhe atë të kreut të tyre Sali Berisha. Demokratët kanë paralajmëruar se nuk do të ketë më qetësi dhe tashmë po ngrejnë zërin dhe jashtë Shqipërisë.
Sondazh
Lexo gjithashtu
