Autoritetet kanë shpallur në kërkim dy personat e përfshirë mbrëmjen e djeshme në ngjarjen e parecendentë të raportuar në zonën e “Pallatit me Shigjeta” teksa dy automjete në ndjekje të njëri-tjetrit kanë aksidentuar dy makina të tjera si dhe janë konfliktuar me njëri-tjetrin.
Policia ka shpallur në kërkim Eduart Koboçi 28 vjeç dhe Zenel Torofini 35 vjeç, drejtues të dy automjeteve. Këta persona të vënë në ndjekje të njëri-tjetrit kanë aksidentuar gjithashtu dhe dy makina të tjera të ndaluara në semafor. Pas përplasjes ku shkaktuan dëme materiale, ata kanë braktisur automjetet e tyre në rrugë dhe janë larguar.
Gjithashtu policia në automjetin e drejtuar nga Eduart Koboçi ka gjetur një predhë që dyshohet se i përket një arme zjarri të llojit pistoletë.
Njoftimi i policisë:
Specialistët për Hetimin e Krimeve të Komisariatit të Policisë Nr. 2:
-shpallën në kërkim shtetasit E. K., 28 vjeç dhe Z. T., 35 vjeç, pasi mbrëmë, rreth orës 23:20, afër pallatit me shigjeta, dyshohet se duke ndjekur njëri-tjetrin, me automjete, kanë përplasur 2 automjete të ndaluara në semafor. Pas përplasjes me dëme materiale, ata kanë braktisur automjetet që drejtonin dhe janë larguar. Gjatë kontrollit në automjetin që dyshohet se e drejtonte shtetasi E. K., shërbimet e Policisë kanë gjetur një predhë të dyshuar arme zjarri pistoletë. Punohet për kapjen e 2 shtetasve të shpallur në kërkim dhe për dokumentimin e plotë të ngjarjes.
Sondazh
Lexo gjithashtu
