Hapësire reklamuese

Aktualitet

Në kërkim për vrasje të trefishtë në Torovicë, ekstradohet nga Italia 54 vjeçari me dy emra

Shkruar nga Newsbomb
Në kërkim për vrasje të trefishtë në
Ekstradimi i 54-vjeçarit nga Italia

Një 54 vjeçar është ekstraduar ditën e sotme nga Italia, pasi ishte shpallur në kërkim nga autoritetet shqiptare për vrasje.

54 vjeçari, i cili rezultonte me dy emra Badh Lula alias Bardhyl Luli kishte vrarë 3 shtetas në Kroin e Denicës në Torovicë të Lezhës në datën 12 qershor të vitit 1993, ndërsa ishte dënuar me 25 vite burg nga Gjykata e Lartë në Shqipëri.

Sipas Interpol Tiranës, 54 vjeçari ishte arratisur nga vendi dhe kishte hyrë në Itali që në vitin 1993, ku qëndronte me dokumete të falsifikuara.

Si rezultat i punës intensive të Policisë së Shtetit, për lokalizimin dhe kapjen e shtetasve të shpallur në kërkim, koordinimit të vazhdueshëm ndërmjet zyrave homologe të Interpolit, në Tiranë dhe në Romë, si dhe i verifikimeve të kryera në bashkëpunim me Policinë e Lezhës, u krye ekstradimi nga Milano, i shtetasit Bardh Lula alias Bardhyl Luli, 54 vjeç.

54-vjeçari iu dorëzua Drejtorisë së Përgjithshme të Burgjeve, për kryerjen e veprimeve të mëtejshme.

Njoftimi i Interpol Tirana:

Hyri dhe qëndroi ilegalisht në Itali, me dokumente false, ndërkohë që kërkohej nga autoritetet në Shqipëri, për vrasje të trefishtë, në vitin 1993, në Torovicë, ekstradohet 54-vjeçari.

Lokalizimi i këtij shtetasi, rezultat informacionit të siguruar nga Policia e Shtetit, për vendndodhjen e tij, dhe shkëmbimit të këtij informacioni ndërmjet Interpol Tiranës dhe Interpol Romës.

Si rezultat i punës intensive të Policisë së Shtetit, për lokalizimin dhe kapjen e shtetasve të shpallur në kërkim, koordinimit të vazhdueshëm ndërmjet zyrave homologe të Interpolit, në Tiranë dhe në Romë, si dhe i verifikimeve të kryera në bashkëpunim me Policinë e Lezhës, u krye ekstradimi nga Milano, i shtetasit Bardh Lula alias Bardhyl Luli, 54 vjeç.

Kolegji Penal i Gjykatës së Lartë e ka dënuar këtë shtetas me 25 vjet burgim, pasi më datë 12.06.1993, në vendin e quajtur “Kroi i Denicës”, Torovicë, ka vrarë 3 shtetas.

Nga verifikimet e mëtejshme të kryera nga Policia e Shtetit dhe Policia italiane, rezultoi se shtetasi Bardh Lula alias Bardhyl Luli, që në vitin 1993, kishte hyrë dhe qëndronte në Itali, me dokumente false.

54-vjeçari iu dorëzua Drejtorisë së Përgjithshme të Burgjeve, për kryerjen e veprimeve të mëtejshme.

 

Operacionet e ekstradimit ndaj të arratisurve të drejtësisë, i ka përshëndetur edhe ministri i Brendshëm, Taulant Balla. Nëpërmjet një postimi në rrjetin social Facebook, Balla shkruan se arratia nga përballja me drejtësinë po merr përgjigjen e duhur çdo ditë dhe se drejtësia vonon por nuk harron.

“Arratia nga përballja me drejtësinë dhe vuajtja e dënimit po merr përgjigjen e duhur çdo ditë. Drejtësia vonon, por nuk harron. Një person i dënuar për vrasjen e shtetasve me shumë se 30 vite më parë, u ndalua në Itali dhe u ekstradua gjatë natës në Shqipëri për vuajtjen e dënimit”,- shkruan Balla në Facebook.

Sondazh

Poll

Lexo gjithashtu

Hapësire reklamuese