Kristo Biba, 28-vjeç, ka rënë në prangat e Policisë së Lezhës me qëllim ekstradimin drejt Spanjës. I riu shqiptar është dënuar nga autoritetet spanjolle për trafikim të lëndëve narkotike.
Në kuadër të megaoperacionit “Sundimi i ligjit” dhe si rezultat i informacioneve të siguruara nga inteligjenca policore, Drejtoria e Forcës së Posaçme Operacionale, gjatë operacionit policor të koduar “Operacionalja 8”, kapi në Shënkoll dhe arrestoi provizorisht, me qëllim ekstradimin në Spanjë, 28-vjeçarin e shpallur në kërkim ndërkombëtar.
“Gjykata e Tarragonës, Spanjë, me vendimin e datës 28.05.2024, i ka caktuar këtij shtetasi, masën e sigurisë “Arrest në burg”, për veprën penale “Trafikimi i lëndëve narkotike”, parashikuar nga Kodi Penal i Spanjës”, njofton Policia.
Interpol Tirana dhe Interpol Madrid po bashkëpunojnë për të kryer ekstradimin e këtij shtetasi.
Sondazh
Lexo gjithashtu
