32 Oficerë të Policisë Gjyqësore nga 12 rrethe në gjithë vendin kanë marrë pjesë në një kurs në Ambasadën Amerikane në kuadër të Hetimit të Krimit. Në bashkëpunim me Akademinë e Sigurisë, ekipi ligjzbatues i Ambasadës ka certifikuar dje OPGJ-të shqiptarë.
Ky kurs që zhvillohet për herë të katërt në vendin tonë është mbështetur nga Departamenti i Drejtësisë në SHBA, Programi Ndërkombëtar i Asistencës në Trajnimin e Hetimeve Kriminale si dhe Byroja e Çështjeve Ndërkombëtare të Narkotikëve dhe Zbatimit të Ligjit.
Dje, është zhvilluar ceremonia e diplomimit për 32 Oficerët, lajm që është ndarë edhe në kanalin zyrtar të komunikimit të Ambasadës Amerikane në vendin tonë.
“Ekipi ligjzbatues i Ambasadës bashkëpunoi me Akademinë Shqiptare të Sigurisë dhe Policinë e Shtetit për të trajnuar 32 Oficerë të Policisë Gjyqësore nga 12 rrethe në të gjithë vendin. Ekipi i Ambasadës mori pjesë dje në ceremoninë e diplomimit të Kursit të Hetimit të Krimit. Kursi është krijuar për të zhvilluar një sërë aftësish hetimore për krimet më të shpeshta të raportuara. Kursi u mbështet nga Departamenti i Drejtësisë i SHBA-së, Programi Ndërkombëtar i Asistencës në Trajnimin e Hetimeve Kriminale (ICITAP) së bashku me Departamentin e Shtetit të SHBA-së, Byronë e Çështjeve Ndërkombëtare të Narkotikëve dhe Zbatimit të Ligjit në Tiranë. Ky është sesioni i katërt në një seri kursesh të hetimit penal të planifikuar për vitin 2024 për të certifikuar disa qindra oficerë të Policisë Gjyqësore në hetimet e krimit. Që nga viti 2005, #ICITAP ka mbajtur një partneritet të gjatë me Akademinë e Sigurisë duke kontribuar në trajnimin dhe zhvillimin profesional të Policisë së Shtetit Shqiptar”, thuhej në njoftimin e Ambasadës Amerikane.
Tashmë ndihma për organet ligjzbatuese në vendin tonë nga Amerika po shtrihet edhe përtej BKH-së që është kryefjalë e drejtësisë në Shqipëri.
The Embassy’s law enforcement team partnered with the Albanian Security Academy and State Police to train 32 Judicial Police Officers from 12 districts across the country. The Embassy team attended yesterday’s graduation ceremony of the Crime Investigation Course. The course is… pic.twitter.com/uzGuRpSgrW
— USEmbassyTirana (@USEmbassyTirana) April 24, 2024
Sondazh
Lexo gjithashtu
