Agjencia gjermane e lajmeve me qendër në Berlin, "Business News Europe" shkruan për një skandal të madh që përfshin anëtarët e Gjykatës së Arbitrazhit, në lidhje me gjyqin që ka hapur biznesmeni italian Francesco Becchetti me Shqipërinë, për 100 milionë euro.
"Bne IntelliNews" raporton se një sërë provash të forta janë paraqitur në Gjykatën e Brukselit, me përfaqësues të shtetit shqiptar të cilët kërkojnë që të rrëzohet vendimi për kthimin e dëmit të pretenduar 100 milionë euro ndaj Francesco Becchettit përmes llogarive në Eurocontrol.
Becchetti dhe Shqipëria janë në gjyq pasi biznesmeni fitoi çështjet kundër Republikës së Shqipërisë dhe Gjykata e Shkallës së Parë frëngjisht-folëse në Bruksel vendosi më 17 tetor që Eurocontrol, organizata evropiane për sigurinë e navigimit ajror, duhet të paguajë tarifat e fituara të fluturimit nga Shqipëria ndaj Becchettit, duke sekuestruar në mënyrë efektive asetet e huaja të Shqipërisë për të shlyer pretendimin.
Megjithatë, një firmë hetimore e punësuar nga Shqipëria ka prodhuar prova të parë nga "bne IntelliNews" që sugjerojnë se Becchetti ndërhyri në procesin e arbitrazhit për të nxjerrë një vendim në favor të tij.
Provat e hetimit
Qeveria shqiptare ka apeluar kundër vendimit të gjykatës së Belgjikës për t'i dhënë Becchettit 100 milionë euro tarifa të aviacionit në juridiksione të shumta, duke sfiduar vlefshmërinë e arbitrazhit dhe duke paraqitur prova të reja të rëndësishme.
Firma hetimore zhvilloi intervista të shumta me persona të lidhur dhe i regjistroi ato. Ajo gjithashtu lëshoi një raport që rendit gjetjet kryesore dhe transkriptet e pjesshme të intervistave kryesore.
Agjentët e firmës intervistuan disa herë Marco Giontella, një konsulent tatimor dhe bashkëpunëtor për një kohë të gjatë i Becchetti. Sipas raportit të firmës së hetimit bazuar në këto biseda, “Becchetti orkestron skema mashtrimi të paramenduara për të fituar arbitrazhe”. Raporti vazhdon të pretendojë se Becchetti manipulon rezultatet duke krijuar lidhje dhe "praktika korruptive", gjë që e lejon atë të kërkojë rezultate të favorshme, duke cituar provat e paraqitura në bisedat me Giontella.
Raporti pretendon, bazuar në intervistat e tij, se Deutsche Bank ishte gjithashtu viktimë në një rast të ngjashëm arbitrazhi me Becchetti.
Si pjesë e Projektit të Hidrocentralit të Kalivacit, Becchetti nënshkroi marrëveshje sipërmarrjeje të përbashkëta me subjekte të ndryshme, përfshirë me organet shtetërore shqiptare dhe ndër të tjera me Deutsche Bank AG. Megjithatë, projekti shkoi keq dhe në vitin 2010 Becchetti dhe Deutsche Bank filluan procedurat e arbitrazhit, duke akuzuar secila tjetrën për shkelje të marrëveshjeve të sipërmarrjes së përbashkët.
“Në rastin e Deutsche Bank, zoti Becchetti përdori një metodë të ngjashme për të kontrolluar emërimin e presidentit të arbitrazhit, me ndihmën dhe bashkëpunimin e plotë të zotit Giontella”, thuhet në raport.
Së dyti, raporti pretendon duke cituar të intervistuarit se Becchetti kërkon të "ndikojë në emërimet e arbitrave në rastet e tij dhe vendimet e tyre nëpërmjet ryshfetit". Në veçanti, hetuesit pretendojnë se ka prova që Becchetti siguroi marrëveshjen e arbitrit të caktuar për të vendosur në favor të tij në procedurë, raporton Euroreporter.
Në një rast tjetër arbitrazhi, Becchetti dyshohet se ka ndikuar në emërimin e presidentit të gjykatës dhe avokati i Becchetti-t në çështjen ICSID gëzonte një miqësi personale me kryetarin e gjykatës së arbitrazhit që rrezikonte integritetin e procedurave të arbitrazhit, pretendon raporti.
Raporti dha gjithashtu një deklaratë nga dëshmitari ekspert, një pedagog i universitetit italian Alberto Pasquale, në çështjen ICSID duke pranuar se ai gënjeu gjykatën e arbitrazhit dhe se Becchetti-t nuk i ishte shkaktuar asnjë dëm real.
“Z. Pasquale pohoi se ai ka shkelur detyrat e tij si një dëshmitar ekspert i paanshëm përmes ndërveprimeve të ngushta me z. Becchetti. Në vlerësimin e tij të rremë, Z. Pasquale me vetëdije dha indikacione dhe deklarata të rreme për përmirësimin dhe rritjen e Agon Channel, ndërkohë që kishte një opinion krejtësisht të ndryshëm personal profesional (për të cilin ai u punësua) – se Agon Channel nuk kishte asnjë shans për t'u rritur,” pretendon raporti. “Z. Pasquale konfirmoi se roli i tij ishte të shërbente interesat e palës paguese (z. Becchetti) në procedurat e ICSID, në vend që të shërbente si ekspert i pavarur dhe objektiv.”
Sondazh
Lexo gjithashtu
