Ngjarja në afërsi të “Fan Nolit” e ndodhur më 18 nëntor vijon të jetë e mbushur plot mister. Teksa Prokuroria është duke vijuar hetimet për të hedhur më tepër dritë mbi vrasjen e Martin Canit dhe plagosjen e shokut të tij, Lus Meçja, avokatët e autorit të kësaj ngjarje, Mario Përlleshajt kanë kërkuar zbutjen e masës së sigurisë “arrest me burg”.
Ata i janë drejtuar me një ankimin Gjykatës së Apelit të Juridiksionit të Përgjithshëm, duke kërkuar lehtësim të masës së sigurisë për klientin e tyre.
Në kuadër të hetimit, Përlleshaj është marrë në pyetje nga Prokuroria në një seancë maratonë e cila mësohet se ka zgjatur për afro 8 orë. Deri më tani detajet e dëshmisë së 14-vjeçarit nuk janë bërë me dije për mediat duke u mbajtur në sekret të plotë për shkak të hetimeve.
I vetmi fakt që është bërë me dije për mediat është se 14-vjeçari Mario Përlleshaj është ballafaquar me Luis Meçjan dhe disa nga të miturit të cilët kanë qenë të pranishëm në vendin e ngjarjes, mes tyre dhe kushëriri i parë i shokut të Martinit, Luisit. Mësohet se ky i fundit ka vijuar t’i qëndrojë deklaratës së tij se në këtë ngjarje ka pasur dhe një autor të dytë, ndërsa kushëriri i tij nuk ka arritur të identifikojë asnjë autor të dytë i cili mund të ishte i pajisur me thikë në ngjarjen e 18 nëntorit.
Kujtojmë se ngjarja e rëndë u regjistrua pak pas mesditës së 18 nëntorit, në afërsi të shkollës “Fan Noli” në Tiranë. 14-vjeçari Mario Përlleshaj goditi me thikë në zemër bashkëmoshtarin e tij, Martin Canin i cili fatkeqësisht humbi jetën si pasojë e plagëve të marra. Ndërkohë, i plagosur në këtë ngjarje mbeti dhe shoku i tij, Luis Meçja.
Ky i fundit qëndroi për gati 11 ditë në Spitalin e Traumës në Tiranë, ndërkohë mëngjesin e kësaj të hëne burime për mediat bënë me dije se i mituri u nis drejt Italisë për ndihmë më të specializuar.
Sondazh
Lexo gjithashtu
