Kuvendi i Shqipërisë gjatë seancës së kësaj të hëne ka zgjedhur kryetarin dhe anëtarët e Këshillit Drejtues të Radio Televizionit Shqiptar.
Fatjon Hoxhalli është zgjedhur në krye të Këshillit Drejtues të RTSH-së me 76 vota pro, 6 abstenime dhe 4 kundër. Hoxhalli do të zëvendësojë në këtë post Leka Bungon, i cili u shkarkua në shkurt të këtij viti pasi mangësive të cilat dolën në dritë lidhur me procesin e përzgjedhjes së drejtorit të Përgjithshëm të RTSH-së.
Ndërkohë që anëtarët e këtij këshilli u zgjodhën si më poshtë:
-Enio Civici anëtar të Këshillit Drejtues të Radiotelevizionit Shqiptar”, u zgjodh me 77 vota pro, 2 kundër dhe 7 abstenim.
-Pano Xhixho anëtar të Këshillit Drejtues të Radiotelevizionit Shqiptar”, u zgjodh me 82 vota pro, 0 kundër dhe 5 abstenim.
-Alket Braho anëtar të Këshillit Drejtues të Radiotelevizionit Shqiptar”, u zgjodh me 55 vota pro, 6 kundër dhe 26 abstenim.
-Zamira Kita anëtare të Këshillit Drejtues të Radiotelevizionit Shqiptar”, u zgjodh me 77 vota pro, 1 kundër dhe 8 abstenim.
-Lorenc Vangjeli anëtar të Këshillit Drejtues të Radiotelevizionit Shqiptar”, u zgjodh me 72 vota pro, 5 kundër dhe 6 abstenim.
-Bujar Kapexhiu anëtar të Këshillit Drejtues të Radiotelevizionit Shqiptar”, u zgjodh me 75 vota pro, 5 kundër dhe 4 abstenim.
-Osman Mula anëtar të Këshillit Drejtues të Radiotelevizionit Shqiptar”, u zgjodh me 84 vota pro, 3 kundër dhe 1 abstenim.
-Petrit Beci anëtar të Këshillit Drejtues të Radiotelevizionit Shqiptar”, u zgjodh me 76 vota pro, 3 kundër dhe 5 abstenim.
-Rajmonda Bulku anëtare të Këshillit Drejtues të Radiotelevizionit Shqiptar”, u zgjodh me 78 vota pro, 7 kundër dhe 3 abstenim.
-Robert Budina anëtar të Këshillit Drejtues të Radiotelevizionit Shqiptar”, u zgjodh me 66 vota pro, 11 kundër dhe 9 abstenim.
Kujtojmë se më 17 shkurt socialistët dhe demokratët votuan me shumicë votash për shkarkimin e kreut, Leka Bungos dhe anëtarëve të Këshillit Drejtues të Radio Televizionit Shqiptar.
Shkarkimi i tyre erdhi pas evidentimit të paligjshmërisë dhe mungesës së transparencës në garën për zgjedhjen e Drejtorit të Përgjithshëm të Radio Televizionit Shqiptar. Por, edhe për shkak të “heshtjes” dhe padrejtësive që ishin bërë ndër vite në këtë institucion.
