Gjykata e Posaçme e Apelit ka shtyrë seancën ndaj ish-kryebashkiakut të Bulqizës Lefter Allës, Shkak është bërë një kërkesë që avokatët e Allës kanë kërkuar përjashtimin e gjyqtarit Dhimitër Lala.
Mësohet se seanca e radhës do të mbahet më 30 maj ku dhe do të shpallet vendimi për ish-kryebashkiakun i cili akuzohet për shpërdorim të detyrës , shkelje të barazisë në tendera dhe falsifikim.
Ish-kryebashkiaku i Bulqizës, Lefter Alla ankimoi më herët vendimin për masën e sigurisë arrest me burg në Apel. Alla u dënua me 3 vite burg, por për shkak të gjykimit të shkurtuar përfundimisht do të vuajë 2 vite heqje lirie.
Ai akuzohet për një tender me vlerë mbi 2.8 milion euro, me akuzën e “shkeljes së barazisë së pjesëmarrësve në tendera apo ankande publike” dhe “Shpërdorimi i detyrës”. Rezulton se tenderi është fituar nga të njohurit e kryetarit të bashkisë, kurse punimet janë kryer nga nënpunës publikë të Bashkisë Bulqizë në kundërshtim me ligjin.
Përveç ish-kryebashkiakut u dënuan edhe 8 ish-zyrtarët e kësaj bashkie.
Dënimi për ish-zyrtarët:
Enkelejda Lleshit, 1 vit e 8 muaj burg, lirohet me kusht
Rubin Kola, Arsen Gjoka e Kujtim Zogu, 14 muaj burg, lirohen me kusht
Leonard Daci dënohet me 1 vit e 2 muaj burg, lirohet me kusht
Erion Isaku dënohet me 2 vite burg
Rasim Daci dënohet me 1 vit e 8 muaj burg
Aqif Konesha dënohet me 1.4 vite burg
Dali Gazidedja dënohet me 1 vit burg, lirohet me kusht
Sondazh
Lexo gjithashtu
