Rafaelo Lleshi 19-vjeç ka rënë në prangat e Policisë pasi ka kërcënuar një efektiv policie.
Përmes një njoftimi zyrtar autoritetet bëjnë me dije se ditën e djeshme, rreth orës 18:00, në afërsi të shinave të trenit në qytetin e Lezhës, punonjësit e Policisë kanë ndaluar për kontroll një automjet tip “Golf”.
Drejtuesi i automjetit nuk dispononte dokumentet për xhamat e errët të mjetit, e për këtë arsye efektivët i kanë hequr veshjen që kishte vendosur për të errësuar xhamat e automjetit.
Drejtuesi i mjetit nuk ka kundërshtuar, mirëpo Rafaelo Lleshi i cili ishte pasagjer në këtë mjet ka kundërshtuar dhe ofenduar punonjësit e Policisë, e më pas ka kërcënuar me mesazh njërin prej tyre.
“Më datë 08.12.2024, rreth orës 18:00, në qytetin e Lezhës, në afërsi të shinave të trenit, punonjësit e Policisë në përmbushje të detyrave të përcaktuara në planin e masave për rritjen e parametrave të sigurisë publike e asaj rrugore, kanë ndaluar për kontroll automjetin tip “Golf”.
Gjatë kontrollit të mjetit nuk i është gjetur asnjë send i kundraligjshëm, ndërsa gjatë kontrollit të dokumentacionit të automjetit rezultoi se, drejtuesi i automjetit nuk dispononte dokument për xhamat e errësuar të makinës dhe për këtë arsye punonjësit e Policisë i kanë hequr veshjen që kishte vendosur për të errësuar xhamat e automjetit.
Drejtuesi i automjetit nuk ka kundërshtuar, por, shtetasi Rafaelo Lleshi 19 vjeç, pasagjer në këtë automjet, ka kundërshtuar dhe ofenduar punonjësit e Policisë si dhe, njërit prej tyre i ka dërguar menjëherë në celular një mesazh kërcënues për shkak se i hoqi veshjen që kishte errësuar xhamat e automjetit shoku i tij.
Veprimet procedurale janë kryer nga OPGJ i Prokurorisë dhe në përfundim të veprimeve është bërë arrestimi në flagrancë i 19-vjeçarit, shtetasit R. Ll., banues në Lezhë.
Materialet procedurale iu referuan Prokurorisë për veprime të mëtejshme për veprën penale “Kanosja për shkak të detyrës”, tha ai.
Sondazh
Lexo gjithashtu
