Policia italiane ka arrestuar një shqiptar i cili u kap nga efektivët me 8.4 kilogramë kokainë dhe 40 mijë euro cash. Shqiptari e kishte fshehur drogën në makinë në momentin kur u ndalua nga policia italiane në Parma.
Sipas raportimeve në mediat italiane shoferi u shfaq i nervozuar gjatë kontrollit nga policia ndërsa droga u gjet e fshehur në pjesën e poshtme të makinës.
Droga e sekuestruar nëse do të hidhej në treg do të kapte vlerën e 750 mijë eurove, informojnë mediat italiane.
Korrieri, me kombësi shqiptare, u arrestua dhe u dërgua në burgun e Parmës, në dispozicion të Autoritetit Gjyqësor vendas, i cili në datën 7 prill konfirmoi për herë të fundit arrestimin dhe urdhëroi mbajtjen e tij në burg.
Guardia di Finanza po vijon hetimet për zbërthimin e të gjithë organizatës kriminale që vepron në vend.
Sondazh
Lexo gjithashtu
