Agjentët e Policisë Kombëtare dhe të Mbikëqyrjes Doganore sekuestruan këtë të mërkurë mbi 1000 kilogramë kokainë në një konteinier që kishte mbërritur në Portin e Vigos. Sipas mediave të huaja mësohet se në kuadër të këtij operacioni janë arrestuar 9 persona, me kombësi belge dhe shqiptare.
Operacioni është zhvilluar të mërkurën dhe droga është sekuestruar nga anija “Cape Citius” , e cila lundronte me flamurin e Qipros dhe vinte nga Amerika e Jugut.
Anija mbërriti herët në mëngjes dhe agjentët zbuluan drogën në një nga kontejnerët e frutave. Të njëjtat burime saktësojnë se ky operacion lidhet edhe me depozitën e fundit prej 1.2 ton kokainë të kapur në Guayaquil të Ekuadorit në fund të dhjetorit. Droga ishte e fshehur në konservat e peshkut dhe kishte destinacion edhe Portin e Vigos.
Sakaq, lidhur me këtë ngjarje ka reaguar edhe ministri i Brendshëm, Fernando Grande-Marlaska. Nga ceremonia e inagurimit të selisë së re të Qendrës së Bashkëpunimit Policor dhe Doganor (CCPA) në Tui (Pontevedra), deklaroi se ka pasur një “operacion të rëndësishëm antidrogë e cila po ndiqet penalisht”.
"Le të vazhdojnë zhvillimin e hetimit dhe të përfundojnë operacionin. Ajo që e bën shumë të qartë është, në të vërtetë, profesionalizmi dhe kapaciteti i forcave dhe organeve tona të sigurisë për t'u përballur me një problem siç janë organizatat kriminale dhe në këtë rast, ato të përkushtuara ndaj trafikut të drogës”, theksoi ai.
Sondazh
Lexo gjithashtu
