Policia italiane ka ndaluar një shqiptar, pasi në makinën iu gjetën 64 800 euro. Sipas mediave vendase mësohet se 29-vjeçari shqiptar, banues në Bullgari, u ndalua në via Maschere Bergamasche, pranë supermarketit Famila.
Pas dyshimeve, efektivët ndaluan mjetin tip “Mini Countryman”, i cili drejtohej nga shqiptari, mirëpo nuk ishte në pronësi të tij.
Pas ndalimit efektivët kontrolluan mjetin ku dhe gjetën mijëra euro. Shqiptari nuk ishte në gjendje të justifikonte pse kishte me vete një shumë kaq të madhe parash.
29-vjeçari u përgjigj duke thënë se makinën ia kishte dhënë hua një mik dhe se paratë vinin nga një fitim në një faqe bastesh online. Për këtë arsye, efektivët vendosën sekuestrimin ep arave dhe mjetit, ndërsa shqiptari u procedua në gjendje të lirë.
Sondazh
Lexo gjithashtu
