Hapësire reklamuese

Aktualitet

I dënuar në Itali për drogë, Operacionalja lokalizon në Elbasan trafikantin me dy emra

Shkruar nga Newsbomb
I dënuar në Itali për drogë, Operacionalja lokalizon në
Momenti i arrestimit nga Forca Operacionale

Ermal Nonaj alias Marvi Nonaj është arrestuar nga Forca Operacionale në qytetin e Elbasanit. Ai rezulton se ishte shpallur në kërkim ndërkombëtar nga Italia, për shkak se Gjykata e Apelit në Torino e ka dënuar me 4 vjet e 4 muaj burgim.

45 vjeçari me banim në Elbasan është lokalizuar në këtë qytet dhe menjëherë Forca Operacionale ka dalë në terren, duke i hedhur prangat.

Ermal Nonaj alias Marvi Nonaj është shpallur fajtor për veprën penale "Trafikimi i lëndëve narkotike", parashikuar nga Kodi Penal italian. Shqiptari rezultonte me "kod të kuq" në faqen e Interpol dhe ishte në kërkim ndërkombëtar.

"Seksioni për Hetimin e Narkotikëve, në bashkëpunim me Forcën Operacionale, kapi dhe ndaloi shtetasin Ermal Nonaj alias Marvi Nonaj, 45 vjeç, banues në Elbasan", thuhet në njoftimin e Policisë së Shtetit, përcjell neësbomb.al.

Aktualisht, autoritetet shqiptare vijojnë procedurat e ekstradimit për këtë shtetas drejt Italisë.

"Gjykata e Apelit Torino, me vendimin e datës 11.03.2021, e ka dënuar këtë shtetas, me 4 vjet e 4 muaj burgim, për veprën penale "Trafikimi i lëndëve narkotike", parashikuar nga Kodi Penal italian", përmbyllet njoftimi zyrtar për Ermal Nonaj.

Sondazh

Poll

Lexo gjithashtu

Hapësire reklamuese