Policia kufitare e Hani i Hotit ka ndaluar një shtetas polak i cili ishte shpallur në kërkim ndqrkombëtar.
Polaku Jan Stanek, 61 vjeç ishte i denuar për vjedhje dhe krime në fushën e narkotikëve. Arrestimi i tij u bë si rezultat i bashkëpunimit mes Interpol Tirana dhe Interpolit në Poloni.
61-vjeçari ishte dënuar nga autoritetet gjyqësore në Poloni me 4 vjet e 6 muaj burgim, për vjedhje dhe krime në fushën e narkotikëve.
Njoftimi i plotë i Policisë:
Policia Kufitare e Hanit të Hotit ndaloi një shtetas të shpallur në kërkim ndërkombëtar nga Polonia, të dënuar për vjedhje dhe krime në fushën e narkotikëve.
Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Poloni, të kryera në kuadër të megaoperacionit “Sundimi i ligjit”, për ndalimin e shtetasve të shpallur në kërkim kombëtar ose ndërkombëtar, u ndalua në hyrje të Shqipërisë, shtetasi polak Jan Stanek, 61 vjeç.
Ai ishte shpallur në kërkim ndërkombëtar, pasi autoritetet gjyqësore në Poloni e kanë dënuar me 4 vjet e 6 muaj burgim, për vjedhje dhe krime në fushën e narkotikëve. Vijojnë procedurat për ekstradimin e 61-vjeçarit, në Poloni.
Sondazh
Lexo gjithashtu
