Hapësire reklamuese

Aktualitet

Humbi në mes të natës në Jezercë, turistja franceze gjendet pas pesë orë kërkimesh

Shkruar nga Newsbomb
Humbi në mes të natës në Jezercë, turistja franceze
Turistja franceze dhe policia

Një turiste franceze, e cila kishte humbur rrugës teksa po eksploronte Majën e Jezercës është shpëtuar nga policia. Uniformat blu i shkuan në ndihmë sapo u njoftuan nga turistja. Pas rreth 5 orësh kërkime, edhe pse në errësirë  dhe në një terren shumë të vështirë malor, është mundësuar gjetja e 34-vjeçares, e cila fatmirësisht është në gjendje të mirë shëndetësore.

"Humbi rrugën gjatë natës, teksa eksploronte Majën e Jezercës, Policia i shkon në ndihmë turistes franceze. Sapo janë njoftuar, rreth orës 23:00, se një turiste franceze 34 vjeçe, kërkonte ndihmë sepse kishte humbur rrugën gjatë eksplorimit të Majës së Jezercës, Komisariati i Policisë Tropojë, së bashku me Ekipin e Kërkim-Shpëtimit Malor, Valbonë, kanë organizuar punën për ta lokalizuar këtë shtetase dhe për t’i shkuar asaj, në ndihmë.

Pas 5 orësh kërkime, gjatë natës dhe në një terren shumë të vështirë malor, është mundësuar gjetja e 34-vjeçares, e cila është në gjendje të mirë shëndetësore. Turistja ka falënderuar punonjësit e Policisë dhe të Ekipit të Kërkim-Shpëtimit Malor, Valbonë, për gatishmërinë e treguar dhe për ndihmën e ofruar," njofton policia. 

Sondazh

Poll

Lexo gjithashtu

Hapësire reklamuese