Është arrestuar personi që plagosi mbrëmjen e djeshme futbollistin e Flamurtarit, Sodiq Atanda 31-vjeç.
Sipas njoftimin të policisë, mësohet se autori 21-vjeçar me iniciale D. B, është me probleme të shëndetit mendor dhe akuzohet për veprat penale veprat “Plagosja e lehtë me dashje” dhe “Prodhimi, mbajtja, blerja apo shitja pa leje e armëve të ftohta”.
Ngjarja ndodhi mbrëmjen e djeshme në qytetin e Vlorës, ku sipas raportimeve, Atanda ishte objekt i një sulmi të dhunshëm. Dyshohet se personi ka tentuar ta grabisi dhe e plagosi me thikë.
Futbollisti nga Nigeria u dërgua menjëherë në spitalin e Vlorës, për të marrë ndihmën e nevojshme, ndërsa klubi i Flamurtarit reagoi mbrëmjen e djeshme ku raportoi se 31-vjeçari ishte jashtë rrezikut për jetën.
“Nisi procedimi penal për veprat “Plagosja e lehtë me dashje” dhe “Prodhimi, mbajtja, blerja apo shitja pa leje e armëve të ftohta” në ngarkim të shtetasit D. B., 21 vjeç, banues në lagjen “1 Maji”, i regjistruar si person me probleme të shëndetit mendor. Ky shtetas, mbrëmjen e djeshme, në lagjen “Pavarësia 3”, gjatë një konflikti për motive të dobëta, ka dëmtuar lehtë me një mjet prerës (biçak) shtetasin e huaj S. A., 31 vjeç”, thuhet në njoftimin e policisë.
Sondazh
Lexo gjithashtu
