Gjykata e Lartë ka rrëzuar ankimimin e Ajola Xoxës dhe vëllait të kryebashkiakut Erion Veliaj, Arbër Veliaj për kontrollet e ushtruara në banesat e tyre më 6 dhjetor të vitit të kaluar.
Agjentët e Byrosë Kombëtare të Hetimit (BKH) ushtruan kontrolle të imtësishme në banesën e kryetarit të Bashkisë Tiranë, Erion Veliaj dhe bashkëshortes Ajola Xoxa, si dhe në ambientin e vëllait të kryebashkiakut, Arbër Veliaj.
Këto kontrolle u kryen me kërkesë të Prokurorisë së Posaçme (SPAK) dhe me vendim të GJKKO.
Në vendimin e saj, Gjykata e Lartë deklaroi:
“Mospranimin e rekurseve të paraqitura nga ankuesit, Arbër Veliaj dhe personi juridik ‘Gogel SHPK’, si dhe Ajola Xoxa dhe shoqëria tregtare ‘Partners Laë SHPK’, kundër vendimit nr. 265 (87-2024-388), datë 24.12.2024, të Gjykatës së Apelit për Korrupsionin dhe Krimin e Organizuar.”
Ky vendim i dhënë nga Gjykata e Lartë ka legjitimuar përfundimisht kontrollet që janë ushtruar në banesën e kryebashkiakut dhe të familarëve të tij.
Sondazh
Lexo gjithashtu
