
Një 60-vjeçar është gjetur i pajetë këtë të martë në Berat. Sipas njoftimit të policisë mësohet se ai është gjetur pa shenja jete në banesën e tij në lagjen lagjen “Çlirim” të qytetit.
Mësohet se prej tre ditësh ai kishte shkëputur kontaktet me familjarët dhe kanë qenë këta të fundit të cilët e denoncuan në Polici.
Pas kontrolleve të efektivëve u konstatua se 60-vjeçari kishte ndërruar jetë.
Nga hetimet e deritanishme dyshohet se vdekja është për shkaqe natyrale pasi në trupin e viktimës nuk janë konstatuar shenja dhune.
Trupi i pajetë i 60-vjeçari u transportua drejt Morgut të Spitalit Rajonal Berat, ku do kryhet autopsia mjeko-ligjore, që do të përcaktojë edhe shkaqet e vdekjes së tij.