Fatjon Dauti, personi i plagosur këtë të enjte në zonën pranë rrethrrotullimit të TEG, pranë terminalit lindor të autobusëve, është arrestuar në Spitalin e Traumës. Ky shtetas po merr mjekim për shkak të plagëve të shkaktuara nga mjete të forta.
Njoftimi i arrestimit të tij është bërë pasi nga kontrolli i mjetit të aksidentuar lehtë në rrethrrotullimin pranë TEG, është gjetur drogë.
"Më datë 22.08.2024, në afërsi të rrethrrotullimit të Teg-ut, dyshohet se për shkak të një konflikti të çastit për një fërkim mjetesh, janë konfliktuar me sende të forta shtetasit Fatjon Dauti dhe Marjo Barami. Gjatë konfliktit është dëmtuar me sende të forta shtetasi Fatjon Dauti, i cili po transportohet në spital për ndihmë mjekësore", njoftoi më herët policia.
Në vendin e ngjarjes është gjetur dhe një armë zjarri, veç drogës, por ajo nuk është përcaktuar ende nëse i përket të plagosurit, apo Marjo Baramit, i cili është shpallur në kërkim sepse është larguar nga vendngjarja.
Si ndodhi aksidenti dhe konflikti te TEG
Fatjon Dauti dhe Marjo Barami raportohet se janë thirrur në rrethrrotullimin pranë qendrës tregtare nga dy vajza që drejtonin respektivisht një mjet "Audi A8" dhe një "Mercedes Benz".
Ajo janë fërkuar lehtë gjatë manovrave në rrugë dhe kur dy vajzat shofere nuk janë marrë vesh se cila e kishte fajin, ato kanë telefonuar të afërmit/shokët e tyre dhe u kanë kërkuar të shkojnë te rreth i TEG.
Fatjon Dauti dhe Marjo Barami kanë mbërritur me shpejtësi në vendin ku ishin aksidentuar lehtë dy vajzat dhe kur nuk kanë gjetur gjuhën e përbashkët, kanë nisur të rrihen në mes të rrugës me njëri tjetrin. Dauti ka marrë plagë nga sende të ftohta dhe ndodhet në spital.
Këtë mbrëmje, atij i është njoftuar dhe masa e arrestit, ndërsa Marjo Barami është larguar dhe deri tani nuk është mundur të gjendet.
Sondazh
Lexo gjithashtu
