Hapësire reklamuese

Aktualitet

Fati "i zi" i 22-vjeçares nga Durrësi, një vit më parë i vdiq i shoqi, sot lutet për rikthimin e vogëlushit të saj

Shkruar nga Newsbomb
Fati "i zi" i 22-vjeçares nga Durrësi, një vit
Ilie Gjuni

Mes lotëve dhe me “zemrën në duar” 22-vjeçarja Ille Gjuni është duke kërkuar si "e marrë" djalin e saj 3-vjeçar, me sigurinë e plotë që ai ndodhet me gjyshen e tij, Bahrie Gjunin.

Teksa jeta e ka përplasur me histori tragjike, ku vetëm një vit më parë ajo humbi bashkëshortin e saj në një aksident, tanimë duhet të përballet edhe me zhdukjen e djalit të saj të mitur.

Në një deklaratë për mediat e reja deklaroi ditën e djeshme se pas vdekjes së të shoqit, e çonte shpesh të birin te gjyshërit, mirëpo këtë herë ata nuk e kanë kthyer më. E dëshpëruar duke pritur që të marrë në krahë fëmijën e saj të vetëm, Ilie Gjuni, lutet që vogëlushi i saj të jetë mirë dhe të kthehet sa më parë te ajo.

Ndër të tjera, 22-vjeçarja tregoi se ish-vjehrrit nuk kanë dashur ta zgjidhin çështjen sipas ligjit, por me metoda zakonore. Ajo ka thënë se prindërit e bashkëshorti të ndjerë, pretendojnë se djali u takon atyre, me “Kanun” dhe do ta mbajnë deri sa të mbushë 18 vjeç.

Fati "i zi" i 22-vjeçares nga Durrësi, një vit
Bahrie Gjunim, gjyshja e te miturit

Lidhur me këtë ngjarje uniformat blu të Durrësit janë “ngritur në këmbë”, ku kanë shpallur në kërkim Bahrie Gjunin, ndërsa po mbahet në mbikëqyrje edhe gjyshi i fëmijës, Rexhep Gjuni për të cilin po hetohet nëse ka lidhje me zhdukjen e nipit të tyre.

Pa çka se në dëshmitë e dhënë para autoriteteve, Rexhep Gjuni, ka mohuar të ketë dijeni me vendodhjen e nipit 3-vjeçar dhe bashkëshortes së tij, uniformat blu kanë dyshimet e tyre.

Duke qenë se kjo çështje konsiderohet tejet e ndjeshme për shkak të ngjarjeve tragjike të ndodhura në familjen Gjuni, ku në shkurt të 2023 humbën njërin nga dy djemtë, policia është duke u treguar tepër e kujdesshme lidhur me trajtimin që po i jep këtij rasti.

 

Sondazh

Poll

Lexo gjithashtu

Hapësire reklamuese