Një ngjarje e rëndë ka tronditur mbrëmjen e së dielës qytetin Clermont-Ferrand në Francë, ku një i ri shqiptar është ekzekutuar me breshëri plumbash.
Sipas asaj që mediat vendase njoftojnë ngjarja u regjistrua gjatë orëve të vona të së dielës në Avenue Charras në Clermont-Ferrand.
19-vjeçari shqiptar i cili po qëndronte pranë stacionit të trenit SNCF u qëllua me breshëri plumbash. Autori i kësaj ngjarje qëlloi në drejtim të së riut shqiptar nga një makinë në lëvizje dhe më pas u largua me shpejtësi “skëterrë” nga vendi i ngjarjes.
Ndonëse ekipet e urgjencës mbërritën menjëherë në vendin e ngjarjes ata nuk arritën të bëjnë asgjë për shqiptarin, i cili si pasojë e plumbave fatkeqësisht ndërroi jetë.
Burime policore kanë pohuar se i riu shqiptar, identiteti i të cilit nuk është bërë ende me dije për mediat, nuk ishte një njeri problematik dhe se nuk kishte asnjë dosje në ngarkim të tij.
Grupi hetimor po punon për zbardhjen e plotë të kësaj ngjarje, ndërkohë që vlen të theksohet se ndonëse deri më tani nuk dihet ende motivi i kësaj vrasje, vendodhja ku i riu është ekzekutuar, e cila është një pikë e njohur shpërndarje të lëndëve narkotike ka ngritur dyshimet se mund të jetë e lidhur me prapaskena kriminale.
Lidhur me këtë ngjarje priten më tepër detaje në vijim.
Sondazh
Lexo gjithashtu
