Hapësire reklamuese

Aktualitet

Dhoma e Avokatisë Durrës paralajmëron bojkot të të gjitha seancave gjyqësore

Shkruar nga Newsbomb

Dhoma e Avokatisë Durrës paralajmëron bojkot të të

Dhoma e Avokatisë Durrës ka paralajmëruar bojkot të të gjitha seancave gjyqësore. Përmes një letre të firmosur nga kreu i Dhomës së Avokatësisë Durrës, Lorval Petani, mësohet se përgjatë datave 3 qershor e deri më 7 qershor avokatët do të bojkotojnë seancat gjyqësore civile dhe penale.

Përjashtim nga ky bojkotim bëjnë pjesë vetëm seancat gjyqësore për masat e sigurimit, zëvendësimit dhe shuarjes së tyre.

Ky vendim është marrë pasi avokatët nuk lejohen të hyjnë në Gjykatë, por të presin jashtë me palët dhe me kundërshtarët.

Ndërkohë, ndër të tjera në letrën e firmosur nga Petani thuhet qartë se të gjithë ata avokatë të cilët rezultojnë se kanë marrë pjesë në seancat gjyqësore dhe nuk kanë respektuar këtë vendim atëhere Komiteti i Disiplinës do të marrë masa ndaj tyre.

 “Pas ezaurimit të të gjitha mundësive për zgjidhjen e problemit së lënies së Avokatëve jashtë ambienteve të Gjykatës Shkallës Parë Juridiksioni i Përgjithshëm Durrës, si dhe mbledhjes së jashtëzakonshme të anëtarëve të Dhomës së Avokatisë Durrës, Kryesisë së Dhomës dhe Komitetit Drejtues, Dhoma e Avokatisë Durrës ka marrë vendimin për:

…Bojkotimin e të gjitha seancave gjyqësore civile dhe penale”.

Përjashtim nga ky bojkotim bëjnë pjese vetëm seancat gjyqësore për masat e sigurimit, zëvendësimin dhe shuarjen e tyre. Ky vendim ka efekt për datat 03.06.2024 – 07.06.2024, periudhë gjate ose pas së cilës dhoma do të dalë me një vendim të ri.

Sqarojmë se të gjithë avokatët të cilët do të rezultojnë se kanë marrë pjesë në seancat

gjyqësore për të cilat me këtë vendim është bërë bojkotimi i tyre, Komiteti i Disiplinës do fillojë procedim administrativ ndaj tyre”, shkruhet në letrën e firmosur nga kreu i Dhomës së Avokatisë Durrës, Lorval Petani.

 

Sondazh

Poll

Lexo gjithashtu

Hapësire reklamuese