Hapësire reklamuese

Aktualitet

Dha dorëheqjen sot, Braimllari: U largova për të treguar se s'jam unë problemi, Meta është zhgënjyer shumë nga disa njerëz

Shkruar nga Newsbomb

Dha dorëheqjen sot, Braimllari: U largova për të treguar se

Endrit Braimllari dha dorëheqjen nga posti si nënkryetari i Partisë së Lirisë. Ai ka vendosur të japë dorëheqjen përmes një letre zyrtare që i ka drejtuar Komitetit Drejtues Kombëtar të partisë, në kushtet e zhvillimeve të reja brenda saj.

I ftuar në emisionin “Real Story” Braimllari thotë se nuk është larguar nga partia, por ka bërë hapa pas.

Në letrën time drejtuar komitetit drejtues kombëtar ka qenë shteruese. Ka qenë një dorëheqje e mirëmenduar për shkak të situatës të brendshme në parti. Kam 12 vite angazhim në strukturat e LSI dhe PL tanimë dhe në këto vite jam udhëhequr gjithmonë nga dinjiteti dhe karakteri për të qenë një zë në mbrojtje të interesit të qytetarëve dhe kam qenë një njeri që jam marrë me punë, jam marrë me organizimin e strukturave, kam qenë kryetar i forumit rinor për një kohë të gjatë, 3 herë anëtar i këshillit bashkiak, një herë deputet  dhe në çdo situatë kam mbrojtur interesin e qytetarëve.

Sigurisht që ka këndvështrime të ndryshme se si organizohet partia, por s’mund ta pranoj mënyrën që një nënkryetar i partisë që mund të ketë kaq vite kontribut të rrijë nënkryetar aty. Kam bërë disa hapa pas për të krijuar mundësinë e unitetit dhe bashkimit të njerëzve dhe për t’i krijuar mundësinë kryetarit të partisë për të vënë në zbatim planin e tij.

Konventa kombëtare me 27 prill, ku besoj se do të propozojë planin e tij. Mendoj dhe hyj tek një brez i ri politikanësh. Jam rritur brenda strukturave të LSI. E konsideroj një familje LSI. Nuk është largim nga LSI, por kam bërë hapa pas për t’u lënë të kuptoj gjithsecili se nuk është problemi Endriti. Për mua LSI është frymë.  Nuk jam unë problemi brenda strukturave. Nëse kërkohet suksesi në zgjedhjet e ardhshme duhet një bashkëpunim sa më i gjerë.“, - tha ai.

I pyetur për deklaratat dhe akuzat publike të bëra së fundmi nga Meta, Braimllari shtoi:

“Në komunikimin e tij publik, ai ndihet i zhgënjyer nga njerëzit që ka promovuar gjatë këtyre viteve, siç thotë ai. Unë di se çfarë po ndodh me mua brenda kësaj strukture. Kam qenë i thirrur nga SPAK për një çështje që nuk ka lidhje me Metën, dhe do të shkoj sa herë të më thërrasin. Në interesat e tij, jo sepse unë kam shkuar për një çështje të Monikës. Nuk e besoj se Monika, në gjykimin tim, është një ndër personazhet që ka dhënë një kontribut të jashtëzakonshëm në organizimin ndër vite në parti.”

 

Sondazh

Poll

Lexo gjithashtu

Hapësire reklamuese