Detaje të reja kanë dalë nga ngjarja e ndodhur mbrëmjen e së enjtes në qytetin e Korçës, ku 26-vjeçari Kostandin Ziu u plagos me thikë nga një 22-vjeçar me ininciale J.R.
Mësohet se 26-vjeçari kishte vetëm dy javë që kishte dalë nga burgu i Peqinit aty ku kryente dënimin për veprën penale të “dhënies së ndihmës për kalim të paligjshëm të kufijve”.
Ngjarja e rëndë u regjistrua gjatë orëve të mbrëmjes të së enjtes, në një lokal në një nga lagjet periferike të qytetit të Korçës, në lagjen nr.10.
Sipas asaj që dihet deri më tani i plagosuri dhe autori i dyshuar kanë qenë bashkë në shoqërinë e një femre.
Pas plagosjes, kanë qenë këta dy të fundit të cilët dërguan në spital 26-vjeçarin dhe më pas u larguan menjëherë duke braktisur kështu edhe mjetin e tyre.
Teksa policia po punon për kapjen e 22-vjeçarit dhe zbardhjen e plotë të kësaj ngjarje, fatkeqësisht gjendja shëndetësore e Kostandin Ziut është e rëndë dhe nga burimet pranë Spitalit të Traumës 26-vjeçari ka rënë në koma.
Sondazh
Lexo gjithashtu
