Detaje të reja janë zbardhur nga ngjarja e ndodhur pasditen e kësaj të mërkure në fshatin Stropckë të Pogradecit, ku 83-vjeçari Agim Shkullaku qëlloi me armë të birin, Përparim Shkullaku.
Fqinjët kanë treguar se pasi 83-vjeçari kishte qëlluar dy herë mbi të birin, ende pa mbërritur ambulanca apo policia, ai kishte shkuar në dyqanin e lagjes për të blerë biskota.
“Do të më duhen sot për në komisariat”, mësohet tu ketë thënë i moshuari fqinjëve.
Siç raportuam dhe më herët ngjarja ka ndodhur pas një konlikti për motive banale mes 83-vjeçarit dhe djalit të tij. Sipas asaj që policia njoftoi më herët Përparim Shkullaku në gjendje të dehur kishte dhunuar të atin.
Pas dhunës së ushtruar nga i biri ai kishte marrë armën e gjahut dhe e kishte qëlluar të birin.
Si pasojë e plagëve të marra Përparim Shkullaku është transportuar me urgjencë drejt Spitalit të Traumës ku dhe ndodhet në gjendje të rëndë për jetën, ndërkohë i moshuari ndodhet në Komisariat.
