Ky është shqiptari Lulzim Toci, i cili ka mbytur gruan e tij, Eleonora Toci, në sy të dy fëmijëve të tyre të mitur në Itali. Vrasja ka ndodhur në orët e para të mëngjesit në San Felice a Cancello, Caserta, dhe ka tronditur komunitetin lokal dhe më gjerë.
Pas aktit të rëndë, Lulzim Toci shkoi te kunata e tij, ku fëmijët e vegjël i treguan asaj se "babi e vrau mamin". Ajo lajmëroi menjëherë policinë, e cila arrestoi Lulzimin pranë banesës. Sipas të afërmve, Lulzim Toci kishte vuajtur nga depresioni gjatë ditëve të fundit, edhe pse çifti nuk kishte shfaqur probleme më herët.
Një mik i tij ka treguar se Lulzimi kishte kaluar disa ditë i shqetësuar dhe kishte qëndruar në spital vetëm disa orë para ngjarjes, pasi po përjetonte gjendje të rënduar emocionale. Ditën e ngjarjes, familja kishte kaluar një ditë të zakonshme, por në mesnatë, pas një debati, Lulzimi kishte pësuar një krizë dhe kishte kryer vrasjen.
Aktualisht, dy fëmijët e mitur ndodhen nën kujdesin e të afërmve, ndërsa Lulzim Toci është në paraburgim. Ngjarja ka shokuar të afërmit dhe fqinjët, të cilët tregojnë për mediat se Lulzimi ishte një person i qetë dhe punëtor, por kohët e fundit kishte shfaqur shenja të depresionit të thellë.
Sondazh
Lexo gjithashtu
