Presoni që shihni në foto është 43-vjeçari Edison Shema, i cili dyshohet se ka abuzuar seksualisht me një 16-vjeçare në Sheqeras të Maliqit.
Kujtojmë se ngjarja tronditëse u bë me dije dy ditë më parë, 6 nëntor. Edison Shema akuzohet se ka abuzuar me të miturën prej 4 vitesh, që në moshën 12-vjeçare deri në moshën 16-vjeçare që është sot vajza. Ai është larguar në drejtim të paditur dhe është shpallur në kërkim nga policia e Korçës.
Ka qenë e mitura që ka denoncuar në prani të prindërve abuzimin që bënte autori, i cili ishte mik i babait të saj dhe kishin hyrje dalje familjare. Marrëdhëniet e një pas njëshme kanë ndodhur në një magazinë në pronësi të autorit, ku dyshohet të ketë dhe kamera sigurie prej ku do merren filmime nga serveri.
Pas denoncimit të së miturës, është bërë ekspertiza mjeko-ligjore për të vërtetuar abuzimin seksual. Burime nga organi i akuzës bëjnë me dije se nga ekspertiza ka rezultuar se e mitura është përdhunuar.
Lidhur me këtë ngjarje të rëndë ditën e djeshme foli motra e 16-vjeçares si dhe familjarët e Edison Shemës të cilët i kanë hedhur poshtë akuzat e bëra ndaj tij.
Motra e të miturës ka folur për mediat dhe ka rrëfyer historinë e abuzimit që kishte pësuar e motra për katër vite rresht nga 43-vjeçari, i cili ishte mik i babait të tyre.
Në dëshminë e saj, ajo ka thënë se abuzimin e zbuloi rastësisht përmes disa letrave që Edison Shema i dërgonte të motrës. Sipas dëshmisë së motrës, e cila u bë publike pas vitesh heshtje, letra përmbanin detaje të qarta të abuzimit, madje kishte fragmente ku autori i premtonte të miturës së do e merrte për grua pasi të mbushte 18 vjeç.
“Mbaj mend që e kam mësuar rreth vitit 2021 këtë histori. Në atë moment u shokova, nuk po e besoja dot,” rrëfen ajo. Ndërsa, familjarët e Edison Shemës kanë hedhur poshtë akuzat duke thënë se e gjitha është për “çështje inati”.
Pas zbulimit të ngjarjes, abuzuesi i dyshuar është larguar nga zona dhe ende nuk dihet vendndodhja e tij. Prokuroria ka marrë letrat si provë për hetimet, ndërsa psikologët po punojnë me të miturën për të kapërcyer traumën.
Sondazh
Lexo gjithashtu
