Hapësire reklamuese

Aktualitet

Debate në seancën gjyqësore për masakrën e Gërdecit, avokati i Mediut përplaset me gjyqtaren Irena Gjoka për ekspertin

Shkruar nga Newsbomb
Debate në seancën gjyqësore për masakrën e
Fatmir Mediu

Ditën e sotme në Gjykatën e Posaçme kundër Korrupsionit dhe Krimit të Organizuar është duke u zhvilluar seanca gjyqësore për çështjen e Gërdecit.

Seanca ka nisur me debate të forta midis avokatit të ish-ministrit, Fatmir Mediu, Ardian Visha dhe gjyqtares Irena Gjoka për marrjen në pyetje të ekpertit të caktuar për këtë çështje, i cili ka hartuar aktin ekonomiko-financiar.

Sipas avokatit të Mediut, eksperti i vendosur nuk është i licensuar për të bërë ekepertizën e rastit që po gjykohet.

Megjithatë atij i është tërhequr vërejtje nga gjyqtarja Irena Gjoka, e cila i ka kërkuar ekspertit që të mos i përgjigjet më pyetjeve të avokatit Visha, ndërsa shton se Visha po shkel kodin e etikës dhe e ka paralajmëruar se nëse do të flasë sërish do të përjashtohet nga seanca.

Kujtojmë se edhe më herët, GJKKO rrëzoi kërkesën e ish-ministrit Fatmir Mediu për riekspertim ekonomiko-financiar. Avokati i tij, Ardian Visha argumentoi se rrëzimi i kësaj kërkese është i padrejtë, pasi ekspertët e përzgjedhur nuk kanë licencë për të ushtruar këtë profesion si dhe 2 prej tyre ndodhen në kushtet e papajtueshmërisë pasi punojnë në Këshillin e Lartë Gjyqësor.

Debati i plotë brenda sallës së gjyqit:

Avokati Ardian Visha: Ne kemi një ndarje në pyetjet tona. Keni ndonjë titull akademik në profesionin qe keni?

Eksperti; Jo nuk kemi.

Visha: Çfarë akti keni, si jeni certifikuar?

Eksperti: Në vitin 2008 jam certifikuar.

Visha: Si jeni përzgjedhur si ekspert nga prokuroria në vitin 2008? Kush jua komunikoi qe jeni ekspert i çështjes?

Eksperti: Nuk jam ekspert i licensuar.

Visha: Kush ju njoftoi që do jeni ekspert për këtë çështje?

Irena Gjoka-ekspertit- Nuk do përgjigjesh.

Visha: Nuk më ndaloni dot për procedurën, për te pyetur se kush e përzgjodhi.

Debat mes Vishës dhe Arben Krajës: Ti mos bëj ngritje provokuese fare.

Visha: Jeni ekspert i licencuar?

Eksperti: Jo.

Irena Gjoka: I tërhiqet vëmendje Ardian Vishës, ka shkelur kodin e etikes.

Visha: Po prokurori?

Gjoka: Ulu, dhe njëherë fole do dalësh jashtë.

Visha: Me gjithë dashurën e madhe për ju dhe respektin, nuk ju lejoj. Të mos lejohet eksperti të japë përgjigjen, ju nuk ju lejohet. Nuk kam dëshirë te punoj kështu.

Visha: Mos lejoni të ndërhyrje prokuroria, nuk kemi ndërhyrë kurrë ne. Kush ju ka thënë qe do jeni ekspert në këtë çështje?

Sondazh

Poll

Lexo gjithashtu

Hapësire reklamuese